Мейірлі, жомарт, көңілі ашық адам. ~ Қайран қартым -ай!.. Қадірлім-ай! – деп Абай, өзімен өзі сөйлескендей күрсініп, бір жалын атты. Демі дір-дір еткен өксік тәрізді ауыр күйініш қалпын байқатты. Үлкен адамдық пен мейірімді достық қасиеттерін жиған кең кеуде, аса ащы бір шерменен өзгеше күйзелгендей. М.Әу. ~ Үлкен адамдықпен достық қасиеттерін жиған кең кеуде де аса бір ащы шермен өзгеше күйзелген мұң бар екенін Гауһар да байқаған. Мұрнын тартып, жасын үнсіз төге берді. Т.Рыск. ~ Шарболаттай серпінді, асқақ әндер алдымен сол қуатты, кең кеудеде қорғасындай қорытылып, сонан соң тасып төгіліп, сыртқа шығып жатқандай әсер қалдырады. Т.Рыск.
- Ірі денелі, иықты, жалпақ кеуделі (кеуденің сыртқы пішіні). ~ Қапысы жоқ сәтті баққан Сейіт пен оның өзіндей кең кеуделі, қара бұйра сақалды Жайнақ, мына Дондағұлдың үлкен ұрыс бастарын сезіп қалысты. М.Әу. ~ Жүресінен отырған қалпында Сейіт кесек, кең кеудесін Оразбайға бұрып алды. М.Әу. ~ Сымдай тартылған сырықтай бойға кең кеуде мен тіп-тік иық көз жауын ала жарасып тұр. С.Дос. ~ Танымаса, жөні бар екен. Анау күздегі торсық шеке, кең кеуделі Виктор Викторович көзден бұлбұл ұшыпты. Сылып алғандай жүдеген. М.Қаб. ~ Оның адам кейпінен шыққандығы сонша, адам танып болмастай екен. «Сырлы аяқтың сыры кетсе де, сыны кетпей» кең кеуде, керме иық қалған. Б.Қыд.
- Ашық, алысқа шарықтайтын мол, қуатты дауыстың ұясы дерлік ауқымды кеуде. ~ Шырқау алыс қияға әкеттi. Тұлғасы ерен, кең кеуделi асқақ үндi әншi, сахараның ғажайып бiр алыбы боп апты. М.Әу. ~ Жаса мәңгі, жайсаң өңір, саған айтар бар тілек Жер жаңғыртып жатсын дәйім кең кеудеңнен ән түлеп. Қ.Жұмағ. ~ Махфуза 7-пәтердің есігін сипай жауып, кең далаға шығып, көптен тарылып жүрген тынысы кеңіп, алдынан соққан самал кең кеудесін аймалап, бес баласына жеткенше асықты. Қ.Түм.