Әбден шаршатты, мезі қылды. Жылпылдақтардың күні туды, пышағын жалақтатып, көздерін алақтатып, иіс, қоңыс аңдып қанша қысып астын үстіне айналдырса да, Омардың бит шаққандай хабарына бармады. Шашылмады. Жыпылдақ-тықылдақ өсек-мөсек тасушы сұмдарды есігінен де қаратпады. Діңкесін құртты. С.Тор. ~ … Омар мен бәйбішесінің айтағы, алып кел,
барып келі әбден ерқашты қылған жігіттің жынына тиіп, діңкесін құртатын. О.Бөк. ~ — Осы қырғын ұзаққа кетеді мен білсем… Екеуміз қатар сөнсек қандай арман болар еді! Бірімізді жалмап жұтып, бірімізді қалдырып діңкені құртпай ма бұл тағдыр?! Ғ.Слан.
ә)Құмар қылды, ынтықтырды. ~ Сол ғой, менің діңкемді құртып отырған. Өзегіме құрт түсіп кетті ғой… Несі барын білмеймін, арбады да қойды. К.Өтж. ~ Жасы егде полковникті діңкесін құртып, әлі де жас, сұлу қызымен ынтықтырады. Ж.Ахм. ~ Бәкизат өзі ұнатқан еркекті емешесін үзілтіп ынтықтыра түсу үшін де әдейі өститін…Кейде, әлгінде шиборбай, сыптығырға көңіл бөлмей қойғанындай діңкесін құртса, енді бірде онымен балаша ойнап “тю-тю!” деп сұқ саусағын тұмсығының алдынан бір-екі безейді де, түк демей жөніне тартып кете береді. Ә.Нұрп.