Біреуден қалған дүниені (не ұрпағын) соның өзіне балап, ерекше бағалау, құрметке бөлеу туралы. ~ Әкеңнен қалған аманат еді бұл. «Ұл болса, есін жинап, етегін жапқан соң қалтасына сал», – деп еді марқұм. Әкең өсиетін орындадым, міне. Көзіндей көріп ұстап жүр, – деді. С.Шайм. ~ Өзі кетсе де көзіндей көріп бауырымызға салып өсірейік, бұдан да өзге балалары бар ғой, Абылайжанды ат жалын тартып мінгенше бізге қисын. І.Ес. ~ Ұзақ жасаған кісі, тәбәрік аламыз дейтін ырымы бар екен қазақтың, киім-кешегін, домбырасына дейін жиылғандар таласып-тармасып талап алып кетті. Насыбай уқалайтын қара саптаяғы мен қамшысын ғана алып қалып, көзіндей көріп жүрейінші деп сақтап қойдым. Ш.Рах.