Қолға үйренді, біреудің билігінде кетті. ~ Ақан жұтаған жұртта қайғы мен қасіреттен бас сауғалай алмай, елінің қайыс ноқтаға көндіккенін білді. Р.Мұқ. ~ Күй дегеніміз – жасамыстар көңілінің суықсырап, аязы сықырлаған шалғайына күн шуағының жылуын шақырған жұмсақ та ибалы жалынышы, жұбанудан қалып қан жылаған қасіретті жүректің жүйкені қалжыратқан қайғылы қамырығы, қапыда жер соқтырған жеңілістің іште көбіккен ашу-ызасы, ноқтаға көндікпеген қыжалды қияңқылығы еді-ау. Ғ.Біл. ~ Әлі ноқтаға көндікпеген құлындар шіңгір-шіңгір кісінеп, бір орында шыр айналады. Желіден әрірек қоңыр төбе баурайында жер қайысқан жылқы, әр жерде шоғыр-шоғыр болып, үйездеп тұр. З.Шүк.