Тұсау бойы — жылқының алдыңғы екі аяғының арасы. Шамасымен 30-40 см-дей, аз ғана қашықтық. Көбінесе күн көкжиектен сәл ғана көтерілгенін білдіретін теңеу ретінде қолданылады. * Күн тұсау бойы көтерілген. М.б.Т. * Алғашқы топ арық басына келгенде күн тұсау бойы көтерілген еді. Бәйтен алдымен Хадишаға бөлінген жерді қазуға кірісті. Т.Әбд. * Жиектен тұсау бойы жоғары тоқымдай бұлт көрінеді; бір жақ сауыры қызғылт. М.Сүнд.