Еш себепсіз, ай-шай жоқ; күтпеген жерден жасалған іс- әрекет туралы. ~ Ұрысқақтығында шек жоқ енді: Класқа кіріп келсе-ақ ақай жоқ, тоқай жоқ: «Ал кәне, пәленшиіп, тақтаға шықшы, мына есепті шығаршы», деп дігерлей жөнеледі. С.Мұр. ~ Анау ақай жоқ, тоқай жоқ келген бойда қызды жон арқадан қамшымен бір тартты. С.Смат. ~ Айдарынан жел есiп, ел шетiне жете бергенде ақай жоқ, тоқай жоқ тал түсте малын қуып кеткен жүрекжұтқан жалғыз атты барымташының iзiне түскен қуғыншылардың да қарасы көрiнедi ғой. К.Сег. ~ Аз ойлағанда Бөжей өз ішінен: «шариғат та жөнге, шынға қарайтын шығар, ақай жоқ, ноқай жоқ, көрінгенге бұйда бере бермес» дегендей. М.Әу.