Көпті көрген айлалы, әккі адам туралы. ~ Байлардан: Қапалдың Шаяхметі, Шұбарағаштың Құсайыны, Ақсудың Абырамы, Қызылжардың Сүлеймен, Сыдыты — бәрі де өңшең қу мүйіз саудагерлер, қойлы көпестер. І.Жан. ~ Аралбай осы қалаға ұрымтал жердегі тінібек руының қу мүйіз атқамінері. Ел арасындағы көтеріп соқпа шолақ билікке келгенде алдына жан салмайды. С.Ом. ~ — Колхоз құрылғалы бірге жасап келе жатқан қу мүйіз, ескі кісі. Оның үстіне өзі Қатпа… М.Әу. ~ Бағын ашқан – марқұм Шықаң. Шынарбай Ашотович. Екі жыл бұрын министрлікке жас басшы келіп, ескіден орныққан қу мүйіз қызметкерлерді орнынан ырғай бастады. Т.Сәу.