ҚҰН ЖОҚ (БОЛМАЙДЫ) Ақысыз, бағасыз, құнсыз. ~ Барымташылар құн даулап Әділ төреге жүгінген. Төре Қабанды шақыртып: «Құнын неге қайтармайсың?» – дегенде, ақын ойланбастан: Ұрыға құн жоқ, Ұрыға құн болса, момынға күн жоқ. Өзі ізденіп келіп, өлген немеге, Маған салсаң, дым жоқ! – деген екен. Б.Тоғ. ~ Басшы адамға дәлелсіз сөйлеуге болмайды. Оның бір пікірі он дәлелден тұруға тиіс. Долбарлаған сөзде құн болмайды. К.Қаз. ~ Аталы-балалы екеуiнiң әрбiр еткен еңбегiнде, иiлген басында құн болмады. Р.Рай.