ҚҰШАҚ ЖАЯ (ЖАЙЫП) ҚАРСЫ АЛДЫ Қуана қарсы алды. ~ Қалтасы қалың қытай немесе ұйғыр болса баяғыда-ақ семіз сары құшақ жая қарсы алып, оның жұмысын дереу бітіріп, жолға салар ма еді, қайтер еді?! Ж.Шәк. ~ – Е, Сафуан екенсің ғой? Ел адамы дегенше, жөніңді неге айтпайсың! Ал, төрлет, – деп Сәбең тым жылы, құшақ жайып қарсы алды. ~ Көріп тұрсыздар, олар бізді құшақ жайып дегендей қуанышпен қарсы алып отыр. М.Қаб. ~ Мен ашуын аштым-ау, ал сол жаңа өмір мені сөйтті екен деп құшақ жайып қарсы ала қойды ма? Мына қаңсыған өлкеде өткен үш күн бұл сауалға табан астында тауып, жауап қайтара ала ма? М.Қаб.