Жауды үркіту мақсатында шу көтеріп, ұрандатып, атой салды. ~ Ауыл да жатыр еді сапырылып, Үстіне жылқы түсті жапырылып. Артынан умақ-шумақ жау да түсті, Айғай-шу, ұран-сүрен шақырылып. БС "Он сегіз". ~ Сонан соң хан бұл атты қалмақ қорыққанынан қойды ғой, енді сіздер шапқан уақытта „алашы-алашы" деп ұран-сүрен салыңыз деп бұйырып, бұларға айғай салғанда көп жанның айғайымен „алаш-алаш" деп кетіпті. Сондықтан „алаш-алаш" болғанда, Алаша хан болғанда, қалмаққа не қылмап едікдеп, алаш ұранды қазақ атанған себебі сол екен. Абай.