НҰРҒА БӨЛЕДІ Мейірін төкті, айналасына жылы шуақ таратты. ~ Айналаны аппақ нұрға бөлеген күміс сәуле көңіліңді әлденеге құмартқандай неше алуан қиялдарға жетелей беретін сияқты. С.Ғабб. ~ Адам жүрегіндегі жылылық бейне бір атып келе жатқан таң шапағаты секілді. Бүкіл дүниені нұрға бөлейтіндей адамдық ықылас ішкі әлемге де сәулесін түсіреді. Ә.Ысқ. ~ Ай шатқал ішін де сүт нұрға бөлеп, тас қараңғылықтың етегі түріліп кетті. Қырсық дүние деген осы… Ә.Асқ. ~ Тағы да шық моншақты нұрға бөленген, жасыл көктем келді. І.Ес. ~ Ол сыңғырлап күлiп жiбердi де, үнсiз әңгiменiң соңғы нүктесiн қойғысы келгендей, маған күн шұғыласындай шуақты жанарымен мейрiмiн төге қарап, төңiрегiмдi аппақ нұрға бөледi. Т.Әбд.