Сияқты; соған ұқсайды; тәрізді. Соңынан талмаусырай жеткен қария үнінен таңданумен бірге тілазарлығына өкпе сезіліп те қалған; сарықаншық әйтсе де қайырылмай барады, ойынсақ сәбидің ана алдындағы еркетотайлығындай шолжаңдыққа бойын жеңгізіп үлгерген тәрізі бар. М.Сүн. Базаралы бөгелген жоқ. Құнанбайдың жүзіне тура қарап отырып, қысқа жауап айтты. Бұ да баяу бастап,сабырмен, салмақпен айтты. Шешен сөйлейтін тәрізі бар. М.Әу. Адам мінезінің қатпары да, құпиясы да көп – ау; шамасы өз басының ел алдындағы қадір – қасиетін біразкүйіттегенінен ыңғайсызданып, әрі мезі болған тәрізі бар. М.Сүн.