Мырза болмаса да, соларға еліктеп, тыраштанған адам туралы.~ Жасынан жұмысқа піспей бүркемік, бошалаң өскен жалқау. Қолынан келетін өнері-мал сояды, шаш алады, сәурік пішеді, тықылдатып домбыра тартады. Жасында төрелердің қасына еріп мырза шалыстау өскен. І.Жан.

Өзін бай-бағлан, мырза жігіт етіп көрсеткісі келетін адам, мырзасымақ. ~ Мардан мына шахтаға келген кезде ол шыртия киініп, шіреніп басып заводты атпен ғана аралап жүретін мырза сүрейлеу болатын. І.Жанс. ~ «Әттең тонның келтесі- ай! » деп жүрген сүр бойдақтар. Өздері шетінен мырза сүрей. «Таңғы нәсіп тәңірден» деп, бүгін тапқанын ертеңге жеткізбейді. Т.Рыск. ~ Ел ішінде қалпақты шекеге киіп, ойын, той іздеп, сән көздеп, қалтасында иісмай, әтір, қыз-келіншек аңдып жүретін мырза сүрей жігіттер болады. Солар үшін, әсіресе, қыз-келіншек тіккен кестелі орамал ұстау бір мәре. Ж.Ахм.

Ақырын, баяу соққан қоңыр жел. * Шүмектен өткен соң жалаңаш төскейді қабырғалай өрлеп, арғы жақтағы жұмыр жотаның шекесіне шықтым. Жота биігінде лекітіп мырза жел соғып тұр. Ә.Асқ.

Рахатқа кенелді. * Біз Жанбозды екі-ақ жерде көрдік. Біріншісінде ол Ауқанмен мейрамханада мырғамға батып отырады. Д.Қуат. * Көп ақшаның буымен мырғамға батса да, той-думанда би билеп, ортада секіріп жүрсе де ол мені жоқтайды. М.Хамзақызы

Артық сөзі жоқ, айтқанға көнгіш, біртоға адам. ~ Әлгі Малмақ жұмысқа мыңтөкім адам болды, еріну, екшелу дегеніңді білмейді, бригадир күндіз жұмсаса күндіз, түнде жұмсаса түнде кете береді. Б.Қыд.

Өте сирек кездесетін д.м. ~ … соңғы жолы, шылбырдан алғалы тұрғанда тұра қашқан, астындағы Қозыжирен мыңнан шыққан атақты жүйріктің бірі еді, қуғынға шалдырмай қара үзіпті. М.Мағ.

Көп адамның ішіндегі ерекшесі; дарасы; басқалардай емес, жөні бөлек тұлға. ~ Қуанбақтық пен бақ – мастықтың үлкені, мыңнан бір кісі-ақ к…і ашпайтұғын ақылы бойында қалады. Абай. ~ Мыңнан біреудің ғана көзіне түсер таңғажайып сол көріністі полотнода айшықтағым келді. Ә.Асқ.

Сыр бермеді; түк болмағандай болды. ~ – Біреудің қызықшылығын бұзып, жанжал шығару сіздіңше көргенділік, білгірлік екен ғой ?! – деп дауысымды зорайта түстім. Қайыпберді оған бірақ мыңқ еткен жоқ. О.Сәрс. ~ Жұрт сонда ғана «тірі екен» деп, қауіптерін сейілтіп, таң-тамаша боп, таңдай қағып, бас шайқады. Палуан жүк машинасының салмағынан мыңқ еткен жоқ. А.Жақс.

Көп адамға көсемдік етті. ~ Сол тар жол, тайғақ кешуде мыңды басқарған өте қиын, ғажайып міндет емес пе «Білмеймін қандай асу алда жатыр, құз ба екен, қия ма екен таңдай татыр? Ә.Нұрш.

Ілеспейді, татымайды. * Осыдан төрт-бес жыл бұрын ғана қайтыс болған мүбақ кісінің балуан да, батыр да, алып та еместігі, шеше сойына тартып алпамсадай боп өскен Сейсіметтің мыңғырына дыңғыр етпейді. Ж.Нәжім.