ТҰРАҚТЫ ТІРКЕСТЕР

* – Ұзын арқан, кең тұсаудың заманы емес. Бүгінде ымыртшының есінде, күзетшінің көзіндегі қияс шақ, Тәке, – деді Еркін нығыздана отырып. О.Бөк.

~ Ішекқарыншы қатындардың некесіне басылған шақпақ ет, шажырқай, ұйқы, бел тамыр, шолақ кеңірдек, талақ сияқтыларды да: — Бері әкел, бермен? — деп, танауы желбеңдеп, астауға сала берді. Өрік қырындаған кезде, қатындар біріне-бірі қарап, еріндерін шығарып: — Мынау бір, ындызы жарымаған шіркін ғой!.. — деп күңкілдесті. Ж.Айм.

Құлақ аспады; назар салмады, ықылас қоймады; бағаламады. * Сонда айтты: «Қайран, Салон, келмедің ғой! Сөзіңе бұрын ындын бермедім ғой, Данышпан, қасиетті жан екенсің, Аман бол! Енді менің өлгенім ғой!» Шәкәрім

Ынта қойды; ықыласын аударды. * Өлең мен сөзді шеберлеп, Айтқаным мақұл келер деп, Ындын қойып ентелеп, Жарайды деп осыным. Ш.

Араны ашылды; ашқарақтанды. * Жоқ, елес емес, қолына жуа сабағы ілікті. Жұлғанша шыдамай еңкейе құлап қарш-қарш шайнады. О, паруардігер! Тал жуаның өзінен-ақ кәдімгідей өмір нәрі тамғандай таңдайына. Құлшынып, ындыны ашылып, көк шөпті аралап еңбектеп келеді. Тағы да, тағы да қарш-қарш шайнағысы келеді, көк жуа сабағын. С.Елуб. СИН: ЫНДЫНЫ КЕПТІ

~ Арқаны ұры қаптап кеткенін, солар елдің тынышын алып тұрғанын, әсіресе, Мәдіғұл аулының сойқандығын, ұры жұмсап, елді ылаңға салып жатқанын қоса айтқан. Б.Тоғ.

Аса жүйрік, әрі төзімді тұлпар аттың сипаты; адамның соған ұқсас мінездері туралы. * Әнекең де өз заманының өзгеден оза туған аса аяулы перзенті болатын. Ол қазақ публицистикасының ылдидан салсаң төсте озар нағыз дара дүлдүлі еді. БАҚ

* Қаракөктен туған жасық қара деуге қимасам да «Ылдидан шауып өр менікі, есіктен кіріп төр менікі» дейтін ұрпақтың келуі де заманның бір кебі шығар. Сөзге жығыла білген халықпыз. К.Сегізб. * Қаракөктен туған жасық қара деуге қимасам да «Ылдидан шауып өр менікі, есіктен кіріп төр менікі» дейтін ұрпақтың келуі де заманның бір кебі шығар. К.Сегізб.

Қулық-сұмдығы бір, сыбайлас адамдар туралы. * Алайда партияға кірген жолдастарымен пікірі, қызметі, ым-жымы бір еді. «Пікір» дерлік Төлегенде пәлендей пікір де жоқ. Көптің ауқымы оған пікір; коменестер не айтса — құп. Ж.А.

~ . Олар жұртты дүрліктірмеу үшін халықараға және тұрғын ел арасына ым-жымын білдірмей, Алтайдан ауысқан «бағынды армия» ретінде киіндіріліп, «Алтай армиясы» атанды да, Үрімжіні алуға айналған Ма Жұңиың қатерін аластау үшін түстікке шеру тартты. Ғ.Біл.