Асқан татулық; шынайы дос көңілдің сипаты. ~ Арасынан қыл өтпейтін Кейкі мен Аманкелдінің ортасына от тастап, Аманкелдінің қазасын Әбдіғапарға жапқан қай әзәзіл?.. Қ.Ысқ. ~ … ол кезде бұл екеуі арасынан қыл өтпейтін дос еді; ақыл тоқтатпаған алаңғасар немелер бұл дүниеде асыр салған ойыннан да басқа қызғаныш деген қызыл ит болатынын қайдан білсін. Ә.Нұрп. ~ Екіншіден, Ақанның осынау араларынан қыл өтпейтін екі досына арнап шағын қоштасу банкет мезіреті бұл. М.Қаб. ~ Ол ғана емес қасқырдың кесірі отасқалы араларынан қыл өтпеген Жалау мен Жанаттың балдай тәтті тұрмысын да жiбере жаздады. Ә.Әб.