ҚЫЛДАЙ БӨЛДІ (ҚЫЛДЫ ) Ешкімнің үлесін жемей, әділ бөлді. * Қараекең ұлдарына енші берген… Малды да, қонысты да қылдай бөлген, О кезде омақалап жер бөле ме? Айтты болды, қағазды қашан білген. Ж.Айм. * Қайта аты ағайын талай босқынға пана болды. Қазан толы балықтың қара сорпасын қылдай бөліп ішіп, қалың адам қоржын тамның ішінде айқасып жататын. Т.Сәу. * Бір заманда Ақирек алқабында отыз ауыл… Жылда көктемде көрші екі ру — Қият пен Қытай жерге таласып қырылысып жатқандары… Бір-біріне ұлтарақтай жер ауыстырмай, қылдай кылып бөліседі. З.Шүк.