Әлдебіреудің мұрагері; орнына жүретін адам. * Арада ай өтпей тағы бір жандайшап — жыртқыштың өзі болмаса да көзі, адал қызметіне орай байланған наградасын алуға астанаға келген, провинциялык губернатордың адъютанты. М.Мағ. ~ Кеткеннің орны толмайды, енді… асықпаңыздар. Мені Айсынның өзі болмаса да, көзіндей көріңіздер… Өткендегім — қарыздың қалдығы еді. Міне, балаларыңыздың әуелгі айлығы, — деп, тағы да әжептәуір ақша тастады. М.Мағ. ~ Жетпіс жыл бойы темір құрсауда іштен тынып, булығып жүрген ел енді міне, өзінің абзал ұлдарына іздеу салып, санатқа қосып, қайта тірілтіп жатыр. Олардың өзі болмаса да көзіндей үрім-бұтақ, зәу-заты баршылық сияқты. С.Ақт.