Басқа төнген үлкен қатер хақында; налу, сескену. ~ Жанбота, осы ме еді өлген жерім, Көкшетау боқтығына көмген жерің? Кісісін бір болыстың біреу сабап, Бар ма еді статьяда көрген жерің? Біржан Сал. ~ Әлгі бәленің түсін көрген сайын: «Өлген жерім осы ғой, жапан түзде бір айдаладағы моланың ішінде қаңғырып өлуге жазған екен ғой», — деп отырдым.М.Әу. ~ Әлгіндегі «өлген жерім осы ма, енді қайттім?» деген жылауық, бұралқы сезім жоқ, ажалға келсең кел деп шаптығып тұр. Т.Сәу. ~ Қазақ үйдің сықырлауығы осы сәтте сарт етіп екі жағына ашылып кетті. Үйге біреулер кірді. Өлген жерім осы болар деп ойладым. Б.Қыд.