Сау-тамтығы қалған жоқ. ~ Шыққан жоқ-ау, жықты. Бірақ бәйгесін бермей қойды. Ит жығыс дейді. Қайдағы ит жығыс, бәлемді қайқайта әкеп соққанда, ананың жіліншігінің күл-паршасы шықты. С.Жүн. ~ Ышқынған сайын бүйірлері солқ-солқ етеді. Жүгі ауыр арбалар әрбір бұрылыста сықырлап, күл-паршасы шыға жаздайды. С.Мұр.
КҮЛ-ПАРШАСЫН ШЫҒАРДЫ
Быт-шыт қылды, тас-талқан етті. ~ Бұл кешелi бергi жеген таяғынан да әлеуеттi соққысымен күл-паршасын шығарып, күйретiп жiбердi. Екi бетi дуылдап, жанын қоярға жер таппады. Ә.Ыб. ~ Бұрынғы деканы Ерлан айтқанға көнбей, Алматпен төбелескенде, оны баспен бір ұрып көзілдірігінің күл-паршасын шығарған. Н.Абд. ~ Бір уақытта аспанның жарты бетін осып түскен найзағай оты жаңағы алып теректің күл-паршасын шығарып жанқадай шашып жіберді. С.Ғаб.