ТҰРАҚТЫ ТІРКЕСТЕР

Қорқып кетті, жүрегі дір етіп, дауыстап жіберді. * Тұманға малтыққан бұлыңғыр санасын кенет жарық сәуле осып өткенде, шоқ басқандай шар етіп шыңғырып жіберген. Т.Сәу. * Не істегені санасына енді жетсе керек, Орлов: – Қалай? – деді шоқ басқандай шар етіп. Старшина одан сайын үрейдің отын үрлеп қоздыра түсті … Т.Сәу. * – Кәне, сал! – деді тарғыл сары алақанын тосып. «Салықтың» мөлшерін айтқанда, бұл шоқ басқандай шар ете түсті: – Бар-жоғы міне, осы! – Қос буда қызыл құлақты ұсына берген. Т.Сәу. * – Ойбай, енді сен де тергеуге келдің бе? – деді әйел шоқ басқандай шар етіп. – Анасы кеп – бір, мынасы кеп – екі сұрап, әбден басыма пәле болды ғой. Т.Сәу.

Үрейден атып тұрды. * Әңірейген кең залдың оң бұрышындағы құжат қабылдап отырған келіншекке кезегі жетеді. Қобыраған қағазын ұсынған. Келіншек шоқ басқандай ыршып түседі. Д.Досж. * Аузымды жия бергенімде, Экли шоқ басқандай ыршып тұрды. Дж.Сэл. * Мал баспаған көкорайлы томар суына құныға бас қоя бере оң жағына көз тастаған бейғам торы үркіп шоқ басқандай екінші жаққа шоршып түсті. С.Жүн. * -Тек!-деп шоқ басқандай шоршып түсті Жайбасар.-Зат емес, мал емес, оны айтасың, тіпіт адам да емес жылдар бойы жарқырап жатқан үп-үлкен өзен жоғалушы ма еді? Не айтып тұрсыңдар? С.Досан. * – То-о! – Қосымхан шоқ басқандай ыршып тұрды. Ызаланғаны ма, абдырағаны ма – белгісіз, жүзі қуарып шыға келді. Т.Сәу. * Ерасылдың тұла бойы шымырлап, өн бойы балқи бастаған Әтіркүл оның кқйлегінің түймелерін ағыта бастады. Ерасыл оқыс есін жиып, шоқ басқандай ыршып түсті. С.Досан. * Енді, міне, талай заман өтсе де, сол бір сапарды Айнұр аза бойы қаза болып, шоқ басқандай шоршып түсіп еске алды. Ш.Мұрт. * – Келші бері, басыңа олар не істеді екен, көрейін,– деп Найман- Ана қолын соза беріп еді, мәңгүрт шоқ басқандай, ыршып түсті. Ш.Айт.

* К ү л ә ш. Қарғыбау түгіл, қалың малын да әкеліп отыр. Сәулем-ау, сорақысының бәрі де шығып жатыр. Енді несін жасырайын: шоқ беріп, шоқ ал деп айтып жіберіпті кіші апам. Жаңа естідім: баласы сонымен айдап келіп отыр жаңа. М.Әу.

~ Дүние өртеніп бара жатса да, парық қылмайтын саспастығы тек соңғы жылдарда шілдің қиындай пышырап бопсалана бастаған. О.Бөк. * Бұрынғыдай звено мен бригадаға бөлініп, топтасып жүрген емес, ауыл адамдары ендігі жерде сай- жылғаны сағалап, шілдің қиындай пышырап кетіскен. Ә.Асқ. * Текті тұқымның азып- тозып, шілдің боғындай пышырап біткені ғой. О.Бөк. ~ Бұл кезде жер иесі болып қалған Қытай елі 10-15 мың қалмақты әр жерге таратып, шілдің боғындай пышыратып жіберсе керек. К.Сег. * Қайтейін, әке, ішім қазандай қайнайды, күресерге дәрмен жоқ. Алаш деп аңдыздаған азаматтардың қай-қайсысы да шілдің боғындай пышырап кетті бүгінде. О.Бөк.

~ Бұл кітап өліара шақта өзгерісті күткен көп жастың жүрегін жылытты. Шоқ тастады. Ішке түскен шоқ ұлттың рухын маздатты. М.Әб. (БАҚ) ~ Қожайын кірбің алды қабағына, Жас келін шоқ тастады. А.Бақт.

* Пәруадигар, бүгін жаңбыр жауатын сиқы бар: Алматы — талай күннен бері шіліңгір ыстықтан таңдайы кеуіп талықсыған, тұншығып жатқан қапас қаланың жұрты тасаттық жасамай- ақ құятын рахман нұрынан бой- бой боп елжіреп, бастаңғы жасар, сірә?! Ж.Шағ.

~ "…Анаңнан сені тапқан айналайын…" дей берді де, кенет есіне қайын енесі түсіп, шоқ тістеп алғандай қалт тоқтады. Ә.Нұрп.

~ Оның көңіліне — мен қажының қатыны екенім, жат жерге түскен жаңа келіншек екенім, менің күндесім көп екен, дұшпаным мол екен деген қауіп келмейді. Қайта біреу-міреу мұны тоқыратамын деп ондай ниетпен сөз қозғаса — Нәзипаның шиқаны жұлынады… І.Жанс.

~ Стасиктің денсаулығы деп бірнеше рет тост көтерді, сөйтіп отырып, ақыры нілдей бұзылсын. Сөз арасында Мәкіш Қаракентке облыстық театрдың келіп жатқанын айтқан, сол сол екен Кәкіштің "шиқанының басы жұлынып кетсін". Ә.Ысқ.

* – Үзеңгі бауыңды сегіз қабаттан тағып, заманыңның болып тұрған шағында, ие, шиден оқ, шырпыдан жақ жасап ілдалдамен ғұмыр кешкен мен бейбақты менсіндің бе-ей… Енді міне… О.Бөк.