Біреуді алмастырды; орнына жұмыс істеді; мұрагерлік етті. * Бас зоотехник еді, колхоз бастығының кенеттен жүрегі тоқтап қалып, соның орнын басқан. Н.Дәу. * Соғыс кезінде мектепті тастап, майдандағы ер-азаматтар орнын басып, колхоз жұмысына араласып кеткен. Н.Сер. * Тек сақ болғай. Жүрген іздерің білінбесін. Таң қараңғысымен, ел тұрмай аттанып кеткендерің жөн болар. Ертеңнен қалсаң орнын сипайсың. Б.Тоғ. * Бірақ, «орнында бар оңалар» деген. Әлпеш жақсы оқып, анасын қуантса, әке орнын басса үлкен бақыт емес пе? Н.Сер.

Мені құтылып, марқадам таппассың д.м. ~ Сен сығырдан көрге түссем қашып құтылмайтын шығармын! Салатын штрафыңның мөлшерін айт та тыншы! — Сені көр де түзетпейді. Әттең, түрмеге апарып тықса! — Аузыңның жаманын! Сонда менің орныма егін егерсің! Қ.Ысқ. ~ Қош бол! Менің орныма егін егетін болсаңдар, мен енді бұл қарғыс атқан қаладан кетемін. Екі жүз жылқының ақшасын ертең мына Шәнішевтің қолынан аласың. Қ.Жұм. ~ Жарайды, мен-ақ кетейін бұл арадан. Өзімнің де ауданға көшкім келіп жүрген, колхозыңның к… көрдік, – деп Қарабет таңқылдап тұрып күлді. – Менің орныма егін егіңдер. Бірақ сонымен жетіскендеріңді көрермін. С.Жүн.

Дәлелді, байыпты айтылған, ұғынықты пікір. ~ Әлгіндей болмай Түсіп жуасып, қарындасының дәлелді, орнықты сөзіне қарсы дау айта алмай қалды. «Көкем мені қолдар еді» дегені жанына батып кетті. М.Сүн. ~ Жұртты орнықты сөзімен де, ісмерлігімен де тәнті қылатын Мазақты жалғыз Ахтан ғана емес ауыл жастары көп төңіректейді. Ө.Кәр.

Сабырлы, байыпты мінзді, тыңғылықты адам. ~ Кісі болғанда, жүзі жылы, мейірбан, кісілікті кісі тәрізді. Аз сөйлейтін, көп тыңдайтын орнықты адам болса керек. З.Қаб. ~ Жүріс–тұрысы нық, сөзі санаулы, санасы шайдай, бетіңе қасқайып қарайтын отырысының өзі–ақ көңілге сенім ұялататын кесек мінезді танытқандай. Отағасы орнықты адам екен… Қ.Ыс. ~ Қайтесің, мінез ғой. Жер қозғалса қозғалмайтын орнықты кісі. Салқын емес, сабырлы! – деп басу айтады. З.Қаб. ~ Ол ешқашан да елден бұрын байбалам салып басын тоқпақтамайтын, әр нәрсеге өз кезінде ғана әрекет жасайтын орнықты жігіт еді. О.Бөк. ~ Костер жақтық, әңгіме айттық. Тамаша болды. Әбдір 102 дивизиядан екен ғой. Орнықты, ақылды жігіт. М.Сүн.

Орны ойсырап қалды, орнын ешкім баса алмайды; жоқтығы жан ашытады д.м. * Көңілге сүйеу көріп жүрген малдан үштің біріндей болып ажарлы жуан алты бірдей қара шыққанда, орны үңірейіп қалғандай болды. Қара қатынның да, Бақтығұлдың да іші қатты ашыды. М.Әу. * – Міне, орны үңірейіп бос қалды! – деді бұл профессордың төрдегі столына қараған қалпы даусы дірілдеп. – Енді оның орнын ешкім де толтыра алмайды. Т.Сәук. ~ «Жұрты жатыр, өзі жоқ қалқатайдың» демекші, баяғы достардың орны үңірейіп, ойсырап тұр. З.Нұрт. * Зерттеулердің және зерттеушілердің Ақаңның өнеріне тереңірек бойламауынан болар, оның қазақ саз өнері тарихындағы орны үңірейіп тұр. Бұл сала да жетім қыздың күйін кешіп жүр. Ж.Баб.

Дауасы жоқ уайым-күйініш. * Дабыра-даңқ шығармаса да, ыждаһатпен жасаған бұйымдары көзіңе қуаныш ұялатады. Осыны да танып, бағалай алмай келеміз-ау. Бұл да орны толмас өкініш… Қ.Тол. * Мына жарық дүниеде жарқын өмір кешіп, ақ бас теңіздермен Украинаны не Парижді , не Тайганы, Қарақұмның шөлдерін көрмеу — орны толмас өкініш қой! С.Баяз. * Жұртшылығымыздың соңғы кезде маңызды мақалаларды оқымайтын боп кеткені біз үшін орны толмас өкініш екені өзінен-өзі түсінікті. Ғ.Қаб. * Өзі өмірінен орны толмас өкініш тауып, күйіп отырған, қарақат көз, бейбақ қыз мына сөзге төбесінен жай түскендей боған. Ж.Ахм. ~ Сол азалы үн үдей өксіп, орны толмас өкініштің лебіндей шегін тарта сарнайды. Қаз.Ерт. («Ақсақ құлан»)

Жоқтығы қашан да білініп тұратын д.м. * Естісе, Мен кедейді шауып алмас, Шапса да дәл әнімде дауы болмас. Жалғыз-ақ күндіз-түні ойлайтыным — Іштегі қайғы-шердің орны толмас… Б.Тоғ. ~ Оның арты орны толмас өкінішке бастайтынын тағы саралап жатпайды. Т.Әлж. ~ Ал осы фактілерге дәлел болар, сол ме- даль, документтердің көпшілігінің із-түзсіз кетуі орны толмас нәрсе емес пе? Ш.Уәл.

Қалпына келді. * Шаруасы шын жүдеп шыққан жылы, аржағындағы арғын-қыпшақтан жылқы алады… Ортайған деулеттің орны солай толып, енді бір жылы қайта байып дүрілдеп шыға келетін еді… З.Шүк.

Бірінен-бірі артық не кем емес. * Бар баламның орны тең еді. Ханжігітіме не болды, соны айтпадың ғой. Ғ.Біләл.

Орайы, ретіне сай. * Және бәріңе айтарым, әркімнің өзіндігі болуы шарт, орны келгенде өз пікірлеріңді ашық білдіріп, айтысқа, тартысқа түсуден тайсалмаңдар. З.Қаб.