Кім-көрінгенге соқтыққысы келіп тұратын пәлеқор адам туралы. ~ Ағаттық ісімізді білмедік пе? Көңілін бір нәрседен кірледік пе? Сықылды сиыр мінез жаман елміз, Орданың бір жеріне сүйкендік пе? І.Жанс. ~ Нәресте туылғанда, оның кеудесіне жан кірерде ол қайдан келді… соған байланысты. Егер ол бұрыңғы өлген сиырдың жаны болса, бала сиыр мінезді болады. АҚ "Арпалыспен…"

1. Әлдебір істің аяқсыз қалып, соңы сұйы—лып, бәсең тартуы туралы. ~ Матайдың сөзінің басы таудай болса да, аяғы сиырқұйымшақтанып келіп қылдай болып кетті. М.Әу. ~ Енді міне, әуелде соншама сеніммен құлшына кіріскен істің өзі сиырқұйымшақтанып, мүлдем басқаша сипат алып бара жатқанын ол әбден түсін гендей. С.Ғабб. ~ Анада екі жақтың сөзін ұстаған Смайыл би басында соншалық, әділдік айтатын ата баласы болып кіріскен еді. Артынан сөзді сиыр құйымшақтатып аяғын жерге тигізбеді. С.Бег. ~ — Рас айтып отырсың ба? — деді Қилыбаев сенер — сенбесін білмей. — Алғаш келгенде бәрі де осылай әдемі сөйлеп, кейін сиыр құйымшақтанып, директордың шылауында кетуші еді. Қ.Жұм. ~ Сейфолла біраз құстарды қызықтаған соң әңгімеге құлақ тосты. Бала ұғымына ауыр хиқаят сиыр құйымшықтана келіп саятшылыққа кеп тірелген. Ө.Кәр. ~ Кеше кешке Әлия келіп кетті. Өзіңді біраз тосты… Жазда оқуға түсем дейді. Сабағын сұрап алғысы келді ме, қайдам!.. Сиыр құйымшақтап барып, сөз сабағын жігітке тастады. М.Қаб. 2. Бәсеңдеп барып, жіңішкерді, біржола жоқ болды. ~ Сәлден кейін сиырқұйымшақтанған жылқы ізі бірте-бірте тасқа сіңіп, жоқ болыпты. БАҚ.

Денесін әрең қозғау. ~ Біржан қолға қолқа салмай-ақ бел көтергісі келіп еді, болмасын лез байқаған соң жер тіренді. — Сиыр қимылға жарап қапсың ғой, – деді Әпіш. — Күл, күл. Құдай қылса амал қанша? — Құдай? Аузыңа түспейтін сөз еді. А.Сүл.

Көзі аларды, ақшиды. ~ Шешендердің шеке тамыры білеудей болып, жыққан сиыр көзденіп, сөзге қонақ беріспеді. Ж.Айм.

Бір-бірінен бөлек жатқан. ~ Мейірбек суыт жүріспен Көктал бойына бес күнде зорға жеткен. Сиыр бүйрек бұйраттың басына шыққанда әдеттегі ас болатын жер – мәліштің сазы көрінді. Б.Тоғ. ~ Сиыр бүйрек бұйрат ішінде көш ізіне түсіп келе жатқан шұбалаң құйрық шаңды көріп, Молдаш жігіттерін тасаға түсірді. Ғ.Біл. ~ Оң жақтағы сиыр бүйрек жоталар төбеге келген күннің жып- жылы шуағына бөгіп, дел- сал манаурап жатыр. Д.Әш.

Ақ молайды. ~ Көсемге еліктейтін мүштікті Үлкен бастық арқасынан қағып шығарып салды. Ақ шұнақ аязды‚ ақ сирақ боранды қыс та қыр асқан. Көрші қазақ кемпір “наурыз көжесін” дәмдеп‚ маңайға үлестірген. Көктем шуағы сиыр белін жібіткен. Қыстан шыққан арық қояндай ауыл балалары кебу күншуақта асық қаққан. А.Алт.

Жарлы-жақыбай, кедей. ~ Әлеумет құрылысы – кедей мен бай екі тап, көптен екеуі таласуда, арбасуда, бейнетсіз дүниенің рахатында жүзіп жүрген ірі байлар да, күні–түні еңбек қылып, тамағын жарата алмай жүрген сирағы шыққан сида кедей де Еуропадан табылады. А.Байт. ~ “Шіркін, осындай орамал тартып, осындай көйлек кисем, ә”, – деп ойлаушы едім сонда. – Рас, Толғанай. Сен онда сирағы шыққан жатақтың қызы едің. Ш.Айт.

Қара жұмысқа салынған д.м. ~ «Нартәуекел» деп жастар газетінің ең кішкентай қызметі — тілші портфелін салақтатып, өмір өлкесінің етекте жүрген можантомпай, өлермен, сирағы сықырлаған момындардың тобына қосылды да кетті. Д.Дос.

Бағытын байқатты; сырын паш етті. ~ Бір байқағаны — мұнымен сөйлескен кезде Президент жарқ-жұрқ етіп жоталанып, ерекше сипат танытып нұсқаланып отырды. Д.Дос. * Дегенмен, аталмыш заң тек діни бірлестіктердің қызметіне қатысты кейбір мәселелерді реттеуге ғана бағытталғандай сипат танытты. БАҚ. * Одан әрі ақындық хақында сөз қозғап, сырласқандай сипат танытты. Ә.Рах.

Әлдебір қалыпқа түсті; белгілі бір бағыт алды, көрініс тапты. ~ Бірақ Нұрбек жайлы әңгіме екі күннен кейін басқаша сипат алды. Т.Әбд. ~ Өзгешелігі сол, мұсылман дінінің шариғаттары жалпыхалықтық сипат алды. Ә.Ыб. ~ Енді міне, әуелде соншама сеніммен құлшына кіріскен істің өзі сиырқұйым шақтанып, мүлдем басқаша сипат алып бара жатқанын ол әбден түсін гендей. С.Ғабб.