Әлі келетін, қолы жететін, айбары өтетін аумақ, төңірек хақында. ~ Асанды талай тосқауылдап, өлтірудің ретін таба алмаған Алатай, Жансарыға қараған бес-алты үйдің қой, тайша-торпақ, тай-құлын сықылды малдарына бөрідей тиді. Құрығы жеткен малды ол жасырып та, көрсетіп те сойып жей берді. С.Мұқ. ~ Осындай Орта Азиядағы басмашыларға дейін құрығы жеткен әйгілі қарақшы Жетісудағы теріс төңкерісші (контр революциялық) жасырын ұйымдарды да көтеру ниетін өткен 20-жылдың октябрь – ноябрь айларына белгілеген жерінен іске асыра алмай қалған. Ж.Ахм. ~ — Үкіметтің қолы ұзын, мейманасы асқанды бұғаулауға құрығы жетеді. Сонда да адасқанның алды жөн — өзі қайрылар, өз үйірін өзі табар деп жүруі хақ. Х.Есен.