БОСЫП ЖҮР

Дамыл таппай, әрі-бері сандалып, тентіреп жүр. ~ Бәрі де күліп жүр, бәрі де босып жүр… Бірақ Шұға жоқ… Б.Май. * Енді, бір жирен, екі құла байтал шығанға шығып, мойындарындағы бұғалығымен босып жүр. М.Әу. * Қара май басқан шпалдар мен рельстерге сүрініп, вагондардың буферлерінен қарғып, босып жүрген неше түрлі халық. Т.Ахт. * Күнде шапқылап, елді түгел жиып, босып жүр. Түрлері кісі өлтіргендей екен. С.Жүн.

БОСЫП ЖҮР Read More

БОСТАН ОЙ

Ескіліктің бұғауынан арылған ерікті сана. * Енді біреулер санадағы түбегейлі өзгерістер ретінде қабылдап, болмыстың бұған дейін үңілуге болмай келген астарлары мен қабаттарын зерделейтін ой жіттілігінің өткірленуі деп түсініп, бостан ойды қасаң қағидалар тізгінінен тезірек азаттандыруға тырысты. Ә.Кек.

БОСТАН ОЙ Read More

ТАМАҒЫН ІСІРДІ

Бекер дәметіп, босқа үміттенді. ~ — Бұл иттің закускасы қайда? — деді де, аналармен қоса күліп: — Мен қуырдақ, жылы-жұмсақ деп келдім. Тамағымды ісіретін болсаңдар ішпеймін, — деп Аманбайға қарады. М.Әу.~ Дақпырт тарататын дарақы тек дабырайғанды көреді. Дабыралап іс қылмаған даңқтың жылы-жұмсағынан дәметіп, құр бекерге тамағын ісірмесе де болады. Ә.Кек.

ТАМАҒЫН ІСІРДІ Read More

БОСҚА АРАМТЕР БОЛДЫ

Еңбегі еш болып, уақыты босқа кетті. * Ар-ұяттан аттап өтіп, баланың ісін істеп отырған өздерің ғой, — деп екеуіне тіксіне қарадым. — Қайталап айтайын, мен үшін босқа арамтер болмай-ақ қойыңдар. С.Ом. ~ Жүр, балам. Түсінбестерге түсіндірем деп босқа арамтер болудың қажеті жоқ. Арың таза болса, басқаның түкірігі бетіңе мың жерден шашырағанымен кір жаға алмайды. С.См. ~ Әділет деп сен шырылдағанмен басқалар жабылып қоштап әкетпесе, онда босқа арамтер боласың. Әділетіпіл жалғыздың аузын жапқыза салу оңай. Оның әдісін тапқан. Үстіңнен «пара алады, мың– мыңдап алады» деп домалақ арызды айдайды да жібереді. С.См.

БОСҚА АРАМТЕР БОЛДЫ Read More

БОСАҢ БЕЛ

Болбыр, әлжуаз. ~ . Жәнәділ расында да әкесінің айтқанындай боз өкпе, босаң бел, жігерсіз жігіт еді. І.Ес.

БОСАҢ БЕЛ Read More

БОСАҒАСЫНАН СЫҒАЛАТПАДЫ

Маңына жолпатпады. * Құлагердің құнын! Оны қалай алмақсыңдар? Сендердің қолдарыңнан не келмек. Керейдің кері кеткен кесапаттары құн даулатпақ түгілі босағасынан сығалатар ма екен. Сендер де қолымыздан бірдеме келеді, еркек кіндікпіз деп отырсыңдар-ау, – деп жаңағы сөзге шамданып, аптығы басылмаған Нұртаза ырқ етіп күлді. С.Жүн.

БОСАҒАСЫНАН СЫҒАЛАТПАДЫ Read More

БОСАҒАСЫН СЫҒАЛАДЫ

а) Баспана қорлығын көп көрді; бір-үйден бір үйге көшіп, пәтер жалдап тұруға мәжбүр болды. ~ Қарызға белшеден батса да шешем көптен көксеген арманына қолы жеткендей еді. Енді біз ешкімге жалынбаймыз, көрінген адамның босағасын сығаламаймыз. Қай күні үйден қуады – деп қорықпаймыз. Б.Тоғ.
ә) Біреудің үйіне кіре алмай, қор болды.
~ ДІЛДА (бұрынғыдан да булығып): Бармайды, балаларым!.. Ендігі қалғаны жәдігөй қатынның босағасынан сығалау ма еді, әкесі тіріде жетім боп! Б.Тоғ.

БОСАҒАСЫН СЫҒАЛАДЫ Read More

БОСАҒАСЫН БОСАТПАДЫ

Біреудің үйіне барғыштап, тыным бермеді, мезі қылды.
~ Кербұлақтың хал-күйі, шаруашылық жайы сізге де ортақ. Ал сіз қоғамға қолқабыс жасау орнына ауыл-ауылды аралап, өлген-жіткендердің босағасын босатпай жүрсіз. Құран жолымен жаназа шығарып, підия алатын көрінесіз. Б.Тоғ.

БОСАҒАСЫН БОСАТПАДЫ Read More

БОСАҒАСЫ БЕРІК

Отбасылық өмірдің бекемдігі. ~ Көрімдік қайда қашар дейсің, бұлардың босағасы берік пе, жоқ па – көзбен көрелік те, – деп, сөзді тура айтатын Бәтима бірден істің жайына көшті. Б.Тоғ. ~ Бұның тойында Жиынбек басқарма көсіле де, шешіле де сөз сөйледі. Көпшілік жастардың шаңырағы биік, босағасы берік болуы үшін үш қайтара алып жіберді. К.Хамз.

БОСАҒАСЫ БЕРІК Read More