АЗУ ТІСІН КӨРСЕТТІ

Сұс байқатты, айбар танытты. ~ Махмұт кіммен қалай сөйлесуді білетін. Өзінен қызметі төменгі, бағынышты адамдарға, шайнап тастайтын азу тісін көрсете алатын, ал өзінен жоғары, өзі бағынышты, не өзінің тағдырына себі тиетін мықтылардың алдында шляпасын қолына алып, шұлғып тұруды да ұмытпайтын. І.Ес. ~ Бұл үйге кеп жүретін адамның бірде-біріне жылы ұшырамайды. Бөгде кісі маңайлайын десе, ырылдай қоя береді. Кейбіреулері ерленіп жабыса берсе, Қасқыр ернін ыржитып азу тісін көрсете бастайды. М.Әу.

АЗУ ТІСІН КӨРСЕТТІ Read More

АЙ АРТЫНАН АЙ, ЖЫЛ АРТЫНАН ЖЫЛ

Ай мен жылдар артта қалып, өмір өтіп жатыр. ~ Ай артынан ай, жыл артынан жыл өте берді. Яков есімі тілге ыңғайлы Жақыпқа айналып, біржола тұрақтады. М.Мағ. ~ Өстiп ай артынан ай, жыл артынан жыл жылжып, тамыры суалған кәрi емен еңкейiп шөгiп, саясындағы қос шыбық күнге бой созып биiктей берген. Т.Сәу.

АЙ АРТЫНАН АЙ, ЖЫЛ АРТЫНАН ЖЫЛ Read More

АЗУЛЫНЫҢ АУЗЫНДА, ӘЛДІНІҢ АЛҚЫМЫНДА КЕТТІ

~ Мына заманда, қара құстан үйренетін жеріміз де бар– ау! – Жолбарыстай жүрек, арыстандай айбат, қасқыр мінез, түлкі
қулық керек бүгін. Әйтпесе, әлі де азулының аузында, әлдінің алқымында кетеміз. Т.Рыс.

АЗУЛЫНЫҢ АУЗЫНДА, ӘЛДІНІҢ АЛҚЫМЫНДА КЕТТІ Read More

АЙ АСТЫНДА

Айлы түнде. ~ Бір жұлдыз ай астында сəулеленген, Көп дұшпан сырттан асық, əуреленген, Басында қап тауының сіз бір пері: Тұра алмас тағат қылып, сізді көрген. Ж.Айм. ~ … бозара қарауытқан кең далада, жарқырай дөңгеленген ай астында тұрып, бар ындын, ниетіммен құдайға жалбарындым. М.Мағ. ~ Астындағы аяқты жылқы анық қатерден шалдырмай алып шығады. Күнгей елін бетке алып ай астында жұлдызша ағыпты. Д.Дос.

АЙ АСТЫНДА Read More

АЗУЫ АЛТЫ ҚАРЫС

Түсі сұсты, ызғарлы, қаһарлы алпауыт адам. ~ Шамасына қарамай, азуы алты қарыс халдайлармен тіресетін ойы бар.
Қ.Жұм. ~ Қашан сондай бір елшілік орысқа бара жатып, ойраттарға қолды боп кеткенше солай бола берді. Ал, әлгі бір оқиға
азуы алты қарыс әз Тәукенің ел алдындағы беделін шайқалтып жібергендей болды. Ә.Кек.~ Әкесі Тойшы Қаратал бойының
азуы алты қарыс арыстаны Жалмендемен алысып еді. Б.Тоғ. ~ Санжар мәнісін кейінше түсінді. «Тендер» дегенің қып-қызыл
ақша екен: осынау аузы алты қарыс алпауыттар гүлге үймелеген бал арасына ұқсап … өліп кете жаздайды. Д.Дос. ~
Өмірдің басқа өрісі тарылғаннан қанша ойланып бұлқынғанмен, енді босанып кету қолынан келмейтінін
ұғынған Майра қайратқа мінеді. Аузы алты қарыс күндестің аңдыған — баққан өсегіне, бай ауылының
бықсыған сасық әдет-ғұрпына қарсы тұрады. С.Бег.

АЗУЫ АЛТЫ ҚАРЫС Read More

АЙ БАҒЫП (ҚАРАП) ЖҮРСІҢ БЕ?

Не бітіріп жүрсің, не істедің, қайда болдың д.м. ~ Жәйі келсе құладынды сұңқар деп, пұлын өткізе алмай жүрген шығар бұл көк соққандар… Әйтпесе Айшадай аруды баяғыдан байқамай, ай бағып жүр ме сендердің Айтқалиларың? Ә.Асқ. ~ Құлынынан сол, қозысынан сол! Əжең саған ертегі ойламағанда ай бағып жүрді ма екен. С.Досж. ~ Өшiр үнiңдi! Қыз алсаң‚ баяғыдан берi ай қарап жүрсiң бе? – деп Көптiлеу ақырып, оны тиып тастады. О.Бөк.

АЙ БАҒЫП (ҚАРАП) ЖҮРСІҢ БЕ? Read More

АЗУЫ КЕРЕ ҚАРЫСТАЙ

Тегеурінді, күшті, айбарлы. ~ Саурық атының басын тежеп, Байділдаға: – Кеше осы әулеттің азуы кере қарыстай байлары менің үйімде қонақ болып отырғанда, қатыныңмен төбелескенің маған көмектескенің бе, болмаса менің болыстыққа сайлануыма бөгет болғаның ба? Ә.Шәр. ~ Артыңнан қуып мен жеттім Тұлпарымды жебелеп. Мен арғын деген арыспын, Азуы кере қарыспын. Сен бұзау терісі шөншіксің, Мен өгіз терісі талыспын. Бұхар ж.

АЗУЫ КЕРЕ ҚАРЫСТАЙ Read More

АЗУЫН АЙҒА БІЛЕДІ

Айбат шекті, күш көрсетті, сұстанды. ~ Ақсақ Темір көреген, Азуын айға білеген, Дұшпанын саздай таптаған, Досын майдай
сақтаған, Алтын діңгек секілді, Патша өткен Тұранда. Д.Баб. ~ Тіпті бұдан екі он жыл бұрынғы сыртқы жағдайымызды
алайық. Ол уақытта аралдағы Англия азуын айға білеген арыстан еді. І.Жан. ~ … «қой, шайнап берген ас болмас, азуын
айға бiлеген өңкей қасқа өздерi-ақ апшысын қуырып шайнап тастар» деп, арқасын кеңге салған. Т.Сәу. ~ Кім дерің бар,
күнім… заманында азуын айға білеген азамат еді, ер еді нағыз еңіреген! Д.Әш. ~ *… азуын айға бiлеген ана қумүйiз
Романов, Тихонов, Гришиндердiң желке күжiрейткен дөң айбатынан iш жиып жүргенде, жау көбейтiп алам ба деп те
қауiптенедi. Т.Сәу.

АЗУЫН АЙҒА БІЛЕДІ Read More

АЗУЫН БАСТЫ

Кек сақтады; тісін қайрап, іштен тынды. ~ Жаназаға жиылған жұрт о жер, бұ жерде топтанысып отырғанда, бұл оқиға жайынан неше түрлі бал ашып, аңыз қылысты. Біреулері: — тегі ақсақалға азуын басқан біреу басып берді ғой. Ж.Айм. ~ Тоқайдың осы қылығына жұмыскердің көбі-ақ азуын басады. Тек азу ғана басады. Әйтпесе одан асырып Тоқайға қылар қайрат жоқ. I. Жанс. ~ Сталиннің Шыңдубәнге қолқанат қып жіберген парлаушы коммунистерінің бірі болатын. Алашқа азуын басқан адам. Т.Рыс. ~

АЗУЫН БАСТЫ Read More

АЗУЫН БАТЫРДЫ

Зорлық көрсетті, қолынан келген қастықты аямады.~ Сағынай асына шақырылмағанына өлердей күйініп жүрген болыс осы арада азуын аямай-ақ батырды … С.Жүн. ~ – Кәрі қасқыр саған азуын батырам демес, Ұлпан егер – десе, өзіме хабар айт, оның мұқалған тістерінің тұқылын қағуға шамам келеді. – деді. С.Мұқ.

АЗУЫН БАТЫРДЫ Read More