АҒАТТЫҚ ЖІБЕРДІ (ЖАСАДЫ)

Қателік жасады, жаңсақ басты. ~ Анасының әлгі әңгімесі осы жасында емес, сегізінде айтылса, мүмкін, дәл осындай ағаттық
жіберіп, әке-шешесін осыншалық сарсаңға салмас па еді. О.Бөк. ~ Бастық қызметкерлерін бөле-жарып қарамайтын. «Өңкей
қылшылдаған жастар «жұмысынан ағаттық жібермесе, кешеде бірдеңеге ұшырап қалмаса» деп іштей тілеп отыратын.
М.Қаб. ~ Өз денсаулығымызға өзіміз кесірімізді тигізіп, темекі шегіп, арақ ішіп, жүйкемізді аямай тамақты тоя жеп ағаттықтар
жасаймыз. Қ.Бег.

АҒАТТЫҚ ЖІБЕРДІ (ЖАСАДЫ) Read More

ҮДЕРЕ КӨШТІ

Асығыс ауып кетті; қауырт, қопарыла көшті.

~ Олар Саурық іздеу салады, айналасын тінтеді деп үдере көшкен бойы Аякөз маңындағы орыс қаласының біріне барып орын тепкен болатын. Ә.Шәр. ~ Осы қызыл көзден құтылдық па, құтылмадық па дегендей анау- мынау еместен әккі құрылысшылар басқа объектіге үдере көшті.
К.Хамз. ~ Ана жылы бұл ауылдан бір күннің ішінде үдіре көшіп, Жетісу өлкесіне қоныс аударғанын, бала- шағалы боп өсіп- өнгенін, бизнесін жолға қойып байығанын… түгін
қалдырмады. Қ.Жиен.

ҮДЕРЕ КӨШТІ Read More

ҰЗАҒЫНАН СҮЙІНДІРСІН

Қуанышың ұзаққа созылсын, жалғасын тапсын д.м. тілек.

* – Балаңды құтты орнына қондырып қайттың ба, шырағым, ұзағынан сүйіндірсін! Ж.Нәж. * Үзілісте лезде-ақ қоршалып қалдым. Жырқ-жырқ күлкі. Жымыраң-жымыраң жүздер. — Уа, ұзағынан
сүйіндірсін! — ЗАГС, әрине, құрметті мекеме. М.Қаб. * — Мінеки, енді сіздер де қолдарыңызды жылы суға малып отыратын болдыңыздар. Ұзағынан сүйіндірсін! Ж.Шағ.

ҰЗАҒЫНАН СҮЙІНДІРСІН Read More

ҰРШЫҚТАЙ АЙНАЛДЫРДЫ

Алдап-сулап, айтқанына көндірді.

  • Жігіт біткенді көзінің құйрығымен ұршықтай айналдырып қойған Лененің өнеріне қатындар сүйсінеді, қатты ұнатады, еркектер мұның арты қан болмай тарамас деп ішінен түршігеді. Ж.Айм.
  • — Өй, қойшы. Мен онымен сөйлесті ғой дейсің бе? Тері — терсек жинап, ауылға келіп-кетіп жүретін. Әйімхан дейтін жақын жеңгем бар еді. Шығаннан шыққан жылпос. Қайдан тапқанын, сопы тауып алыпты. Сол Әйімхан күндіз — түні басымды ұршықтай айналдырып, қалай тиіп қалғанымды өзім де білмеймін. Б.Соқп.
    ~ Осы мезгілде, баяғы атажұрттан көшкен босқын елдің жолында өлі ананың емшегін кергілеп еміп жатқан Жолдыбай жиырманың үстіндегі атпал азамат болған. Сол тентек бұл күндері ауыл жігіттерін ұршықтай үйіріп, иірімінен шығармайтын. Т.Рыс.

ҰРШЫҚТАЙ АЙНАЛДЫРДЫ Read More

ШАБЫНА ОТ (ШОҚ) ТҮСКЕНДЕЙ БОЛДЫ

Оқыс ашуланып, зәрін төкті. ~ Сол мұң екен, Абыралының шабына от түсіп, шала бүлінді. Еш жүйесіз, қисынсыз быдыңдап, кәсіподақтың тура қарағайдай мүйізіне жармасты. М.Қаб. ~ Бисараның химия пәні бойынша жетекші мұғалім екенін есепке алды ма, әлде жалғыз бастылығын ескерді ме, ғылыми мүдір бұған алты сағатты артық бөліпті. Орынғайшаның талағын тарс айырып, шабына шок түсірген — сол сағаттар. Қ.Жұм. ~ Мына сөзге Айтқалидың жүрегі шым етіп, шабына от түскендей шамданып қалды. Сазарып қоштаспаған күйі шапшаң бұрылып атына мінді де, шапқылай жөнелді. Ә.Асқ. ~ — Сені сүймейді! — деді Артур шабына шоқ түскендей жер тепкілеп. — Сен просто алаяқсың! Оны алдағансың. Т.Сәу. ~ Қатты сынға ұшыраған Зейін Шашкин мен Темірғали Нұртазиннің повестері еді. Темкең үндемей құтылды. Қалғандары шабына от түскендей мөңкіді. Қ.Ысқ.

ШАБЫНА ОТ (ШОҚ) ТҮСКЕНДЕЙ БОЛДЫ Read More

ШАБЫНА ОТ (ШОҚ) ТҮСТІ

Оқыс ашуланып, зәрін төкті. * Сол мұң екен, Абыралының шабына от түсіп, шала бүлінді. Еш жүйесіз, қисынсыз быдыңдап, кәсіподақтың тура қарағайдай мүйізіне жармасты. М.Қаб. * Бисараның химия пәні бойынша жетекші мұғалім екенін есепке алды ма, әлде жалғыз бастылығын ескерді ме, ғылыми мүдір бұған алты сағатты артық бөліпті. Орынғайшаның талағын тарс айырып, шабына шок түсірген — сол сағаттар. Қ.Жұм. * Мына сөзге Айтқалидың жүрегі шым етіп, шабына от түскендей шамданып қалды. Сазарып қоштаспаған күйі шапшаң бұрылып атына мінді де, шапқылай жөнелді. Ә.Асқ. — Сені сүймейді! — деді Артур шабына шоқ түскендей жер тепкілеп. — Сен просто алаяқсың! Оны алдағансың. Т.Сәу. ~ Қатты сынға ұшыраған Зейін Шашкин мен Темірғали Нұртазиннің повестері еді. Темкең үндемей құтылды. Қалғандары шабына от түскендей мөңкіді. Қ.Ысқ.

ШАБЫНА ОТ (ШОҚ) ТҮСТІ Read More

ШАБЫСЫНАН ЖАҢЫЛМАДЫ

Бір қалыпты; бұрынғы қалпынан, әдеткі үрдісінен таймады.

* Вагон іші — жағалай жарқыраған сарай. Әр күймеде бір есік, бір- бір терезе. Түрлі ұлттың баласы бас қосқан ұлы керуенге ілескендей болды. Жолай бірі түсіп, бірі мініп, әр жерге бір тыныстап алып, шабысынан жаңылмай жортып келеді. Ү.Жәл. * Роксананы аз уақытта қуып жетіп, айғырға тән еміренумен мекірене оқыранды, сауырлы биенің қанталай бастаған сесті жанарында болымсыз мейірім нұры көмескіленді, Шам қатарласып, үзеңгі қаға таялғанда мойнын бұрып, шабысынан жаңылғандай болған. А.Смай. ~ Ағызған күйі жарға таяна бергенде, алдындағы қатерді сезіп, Ақбоз бір сәтке тапырақтап, шабысынан жаңыла жаздап, иесінің алға ұмтылған тайсалмас ырқына көніп, биік жардан тайсалмай секірді. Ә.Тар.

ШАБЫСЫНАН ЖАҢЫЛМАДЫ Read More