АЙТУДАЙ-АҚ АЙТТЫ

Жетесіне жетердей қып айтты. ~ 20 жыл бойы қазақ тілінің қажеттігін айтудай-ақ айтып, мұқтаж етіп келеміз. БАҚ ~ Мен айтудай-ақ айттым, әке-шешем де, қыздың өзі де көнбейді, мен қайтейін,—деп міңгірлеген Жаңабаевтың даусын естігенім болмаса, өзін кере алғаным жоқ. Ә.Әб.

АЙТУДАЙ-АҚ АЙТТЫ Read More

АЙТУЛЫ АДАМ (АЗАМАТ)

Ел назарындағы, беделі бар, абыройлы кісі. ~ Ыбырай дейтін кісі болыпты. Ел басқарған айтулы адам екен. Соның бір құрдасы Төлебай дейтін кісі қамшыгер екен. Ж.Баб. ~ Жүрегiм уiлжiп, майдай ерiп барады. «Құдайым-ау, осы қос құлыншағымды менен көрi бақытты ете гөр! Аман-есен ержетіп, айтулы азаматтар болсын! » — деп күбiрледiм iштей езiлiп тұрып. Ж.Шағ.

АЙТУЛЫ АДАМ (АЗАМАТ) Read More

АЙТУЫНА ҚАРАҒАНДА

Пәленшенің сөзіне сенсек д.м. ~ Ақпар хаттың айтуына қарағанда, жиналған жұрт бұл жолы сын туралы сырласпақ екен. Ғ.Қаб. ~ Вице-министрдің айтуына қарағанда, бұл бағытта 2019 жылы 100 млрд теңге бөлінгелі отыр. БАҚ.

АЙТУЫНА ҚАРАҒАНДА Read More

АЙ-ТҮЙГЕ ҚАРАМАЙ

Артық сөзге келмей, салған беттен. ~ Әли келген бетіне бет алды ыржаңдап, қыздардың алдын орап, тоқтатып қойды. Ай-түйге қарамай итарбадағы қаптарды сүйреп алып, тезегін жан-жаққа шашып тастады. С.Ом.

АЙ-ТҮЙГЕ ҚАРАМАЙ Read More

АЙТ-ҮЙТ ЖОҚ

Жөн-жосықсыз, әй-шәйға қарамастан. ~ Сәруар (ашуланып). Уллаһи, бү нинди хиянат! Әйтәрсің әллә нинди ханша. Ниләр суйли. Жүніс. Сәруәр, қойсаңшы сен! Айт-үйт жоқ, немене бас-аяғын білместен. М.Әу. ~ Және мына жонымды көріңіз, көк ала қойдай, анау жынды Омар деген езі мылқау ма, жынды ма, немене айт-үйт жоқ мылтық атып, ауылдың астын-үстіне көтерді. С.Бег.

АЙТ-ҮЙТ ЖОҚ Read More

АЙТ-ҮЙТКЕ ҚАРАМАЙ

Бас-көз демей, ештеңеге қарамай, әй жоқ, шәй жоқ. ~ Айт-үйтке қарамай барып, неше бөгеттерден өтіп барып Османның жүрегінің қанымен жазған қара құранын құшақтап алып шықтым… С.Сей.

АЙТ-ҮЙТКЕ ҚАРАМАЙ Read More

АЙТЫЛМАҒАН (СӨЙЛЕСЕР, АЙТАР) СӨЗ ҚАЛМАДЫ

~ “Жарықтығым-ай, өзiңде айтылмаған сөз қалмаған ғой! – дейтiн таңдайын қағып. – Дүнияның бар даналық-хикматы алақандай кiтапқа қалай сиып кеткен?” Әкесiнiң Абайға деген шексiз сүйiспеншiлiгi бұған да бала кезiнен жұққан. Т.Сәу. ~ …сол екеуі мен Жапардың арасында болар болмастан басталған кикілжің айқай төбелеспен аяқталды, арада айтылмаған сөз қалмады, кісілердің алдында ұятты ойлап ешқайсысы қымтырылмады, ақыл айтқан, тоқтау айтқандардың сөзіне қонақ бермеді. Ә.Тар. ~ «Шығамысың, шықпаймысың?» — деп созбақтап тұрса: «Не істесе соны істесін», — деп, қолдарын сілтеген. Сөйлесер сөз қалмапты. М.Қаб. ~ … жарыссөзге шыққандар бір-бірімен бәсекелескендей ауызы жеткенше Үлкен Кісіні мақтап еді; ағасына айтар сөз қалмаған сияқты еді; жоқ, ағасы бұл арада да жол тауып шығып кетті… Ә.Нұрп. ~ Ал Шынжаңдағы жаңа әдебиеттің іргесін қалаушылардың бірі, әрі Демежанмен рулас Рахметолла Әбшеұлы

АЙТЫЛМАҒАН (СӨЙЛЕСЕР, АЙТАР) СӨЗ ҚАЛМАДЫ Read More

АЙТСЫН, АЙТПАСЫН (АЙТТЫ-АЙТПАДЫ)

Қалай болғанда да, кім не десе де. ~ Газеттің редакторы Хамиттың кеткеніне екі ай болды. Оның орынына Сейілхан болады деп жұрт шулағалы қашан. Енді айтсын – айтпасын жөн осыныкі ғой… Сөйтіп жүргенде өзінің досы Орақ деген кісі үстінен арыз жазып, қызмет түгілі қарақан басын әрең қалдырды… Т.Әбд. ~ Келер, келмес, бірақ мен оны шақырамын. Дүйсеке айтсын, айтпасын, малын Сиқымбай ұрлағанын Есімбай жақсы білетін. Ғ.Мұс. ~ Жанымхан заготскоттың конторында есепші болып істейді. Айтты айтпады, ауылдағы бай семьяның бірі. Бір ат, бір құлынды биесі, бір құнаншығары бар. Қ.Ысқ.

АЙТСЫН, АЙТПАСЫН (АЙТТЫ-АЙТПАДЫ) Read More

АЙТЫП АУЗЫҢ ЖЕТПЕС

Сөзбен суреттеп болмайсың, ғажап, керемет д.м. ~ … қарсы жолыққан арбалар мен салт аттылар да, аттардың тұмсығына тиіп кете-тиіп кете жаздап, кескестей ұшқан қарлығаштар да — кемерінен асып төгіліп жатқан мол бақыттың, айтып аузың жетпес тылсым сұлулықтың көріністері секілді. Ш.Айт.

АЙТЫП АУЗЫҢ ЖЕТПЕС Read More