АЖАЛЫНА АСЫҚТЫ

Алда ажал тосып тұрғанын сезбеді. ~ Енді өлдік деп, бәрінен күдер үзген кезде, кенет осы үйдің от жарығын қатынының көзі шалып қалыпты. Алдыға түсіп ұмтылған екен, ажалына асығыпты, байғұс! Б.Нұр. ~ Кенесарының бұл асыға көтерілуі ажалына асығуы болды. Екі жыл өтпей биылғы көрген түсі дәл өңіндегідей келіп, ол Кекілітауының бауырынан ажал тапты. І.Ес.

АЖАЛЫНА АСЫҚТЫ Read More

АЖАЛЫНА КӨРІНДІ

Өлімге бастаған іс-әрекет туралы. ~ Үш жыл қатарынан бауырынан өрген күшіктерінен айрылған ызалы қаншық ажалына көрінді ме, …тапа-тал түсте өрістегі малға шапты…Ә.Нұрп. ~ Суға кетер бала дариядан шегінбейді, әлде ажалына көрінді ме, …астындағы құла қасқа текежаумыт тұлпарын ойнақтатып, жау шебінің ортасына қарсы шапты. І.Ес.

АЖАЛЫНА КӨРІНДІ Read More

АЖАЛЫНАН БҰРЫН ӨЛДІ (КЕТТІ)

Мезгілсіз опат болды. ~ – Мына сорлы қайтеді, әй? Ажалынан бұрын өлер. Әй! Әй, тоқта! Ә.Нұрп. ~ ─Тек тісіңнен шығара
көрме. Елге тарап кетсе, Нұралы байғұс ажалынан бұрын өлетін болды… Т.Әбд. ~ — Е, аман болсын да! — дей салды Асекең
де. — Әйтеуір ажалынан бұрын өлтірмесеңдер бопты да! Қ.Ысқ. ~ Мені десең… Мына қарығы ашылмаған өлмелі шешең
ажалынан бұрын кетпесін десең жібер мына жау алғырды. Жүгенін сыпыр да жібер… Шыққан ақшаң садақа болсын… Жібер
тез!… — деді де булығып одан ары сөйлей алмай қалды. Қ.Мүб.

АЖАЛЫНАН БҰРЫН ӨЛДІ (КЕТТІ) Read More

АЖАЛЫНАН ҮШ КҮН БҰРЫН ӨЛДІ

Әлдебір төтенше жағдайдан мезгілсіз көз жұмды. ~ Әй, осылар-ақ таусып бiттi, онысыз да арса-арсасы шыққан шешелерiн ажалынан үш күн бұрын өлтiретiн болды. Ә.Ыб. ~ Жас Бейтс бұл жауаптан да күлдіргі бірдеңе тапса керек, қайтадан ішегі түйілгенше қарқылдаған. Тек ішіп отырған кофесі тыныс жолына кетіп қалып, осы күлкіден өзі ажалынан үш күн бұрын мүрдем кете жаздады. Ч.Дик.

АЖАЛЫНАН ҮШ КҮН БҰРЫН ӨЛДІ Read More

АЖАР БЕРДІ (ҚОСТЫ)

Өңін кіргізіп, жайнатып жіберді. ~ Шынында, «тоңдым», «оңдымдарыңа» еркек ақын болып қайратты ажар берген Кәкітай! — деп Абай әзіл етті. М.Әу. ~ … астанаға ажар беретін ондай әсем сарайларды Үлкен Кісі бастаған үкімет комиссиясы қабылдағандықтан бұл өзі республика өміріндегі елеулі оқиға боп есептеледі екен… Ә.Нұрп. ~ Мұң кіреукелеп тұңғиық тартқан көкшіл көзі тұнжырап, ақ сары сұлу жүзіне одан сайын ажар қосып тұр. Т.Сәу.

АЖАР БЕРДІ (ҚОСТЫ) Read More

АЖАР БІЛДІРДІ (БІЛІНДІ)

Бет құбылысымен сыңайын білдірді; ойын сездірді. ~ Бірталай уақыт үй іші үнсіз болды. Абай қымызын ішіп болып, рақмет айтып, енді жүргісі келгендей ажар білдіргенде ғана Байдалы ырғала түсіп, сөйлей жөнелді. М.Әу. ~ — Кiм де болса, көзi жоқ ердiң бiрi болды! — деседi. Отырғандар патшаны өлiмге қимаған ажар бiлдiрмейдi. М.Әу. ~ Ағы мен қарасы ап-айқын өткір көздерінде Абайға қарап, күлегеш құрбылары туралы шағым айтқан, көмек тілеген ажар білінеді. Абай бұны қостай сөйледі. М.Әу. ~ Ұзын, қоңыр сақалына араласқан күміс ренді ақ талдар ғана айқын көрінеді. Бірақ нұрлы, жылтыр жүзінде өлі кәрілікке жеңгізген, жасыған ажар білінбейді. М.Ә

АЖАР БІЛДІРДІ (БІЛІНДІ) Read More

АЖАР КЕТТІ

Сәнінен айрылды,жүзі солғын тартты. ~ Лашын ем құйқылжыған, дерт күйзелтті, Айрылдым асық жардан күн сәулетті. Семген гүл, өлген бұлбұл қайғысынан Қайырылып қос қанатым, ажар кетті. М.Әу. ~ – И-и-й, күнім — ай, — деді бір кемпір. — Аман болса, әлі-ақ қосылады бастары, балалар кетіп, ауылдан ажар кетті ғой. Қ.Ысқ.

АЖАР КЕТТІ Read More

АЖАЛ ТӨНДІРДІ

Сұс көрсетіп, қорқытты; өміріне қауіп тудырды. ~ Айырсақал шал өзі сөйлегенше мен үндемедім. Ол үнсіз. Жан-жағымдағы бізге ажал төндіріп тұрған он-он бес жігітке қарадым. Б.Қыд.

АЖАЛ ТӨНДІРДІ Read More

АЖАЛДЫ ҚАРҒА БҮРКІТПЕН ОЙНАЙДЫ

Әліне қарамай өзінен күштіге соқтыққан басына бәле тілеп алады д.м. ~ — Ажалды қарға бүркітпен ойнайды. Атпен ойнаған тайдың арқасы алынады,— деді Мұстапа күлімсірей,— соқтықпа құдайға. Соқтыққаның, аз емес. Әуелі соларды мұқат. Ғ.Мұс.

АЖАЛДЫ ҚАРҒА БҮРКІТПЕН ОЙНАЙДЫ Read More

АЖАЛ ТҰЗАҒЫ

Жанынан айырарлықтай қауіп-қатер; өлім қаупі. ~ Адам баласының алдынан төтеден келер
тағдыр дегеніңнің, айтпай жетер ажал тұзағының бұл да бір түрі шығар… С.Жүн. ~ Одан да
осы арадан тырп етпейік, қолдан келгенше бүлдірейік, қалаларды өртейік, өшіккенді
өлтірейік, талайық, сөйтіп шамадан кеткенде ажал тұзағына мойын ұсынайық. С.Мұқ. ~ Мен
әуелгі, сезікті қимылдан, нақты әрекетке көшкенге дейінгі аралықта асса бір жарым минут
қана өтті. Міне, бәрі дайын. Қайрылмас ажал тұзағы мойында тұр. Қапысыз ілінді. М.Мағ. ~
Осылайша бүл күн де тауыс-тәмам болып бара жатты. Әне-міне алыстан толқын шуы
естілер, самал соғып тұманды басқа жаққа айдап әкетіп, біз тажал тұзағынан құтылармыз
деген үміт бір де бір үзілмеген. Ш.Айт.

АЖАЛ ТҰЗАҒЫ Read More