АЙБАРЫ ШАҒЫЛДЫ

Сұсынан айрылды, бишара халге түсті. ~ … жаға-жеңдері жыртылған, қоқырайған күнқағар-папахалары тоналған, талайының кеңсірігі бұзылған, тотяиынданып тұратын көздерінің үстінен көгілдір томаршалар өніп шыққан, ажары сынған, айбары шағылған. Ғ.Біл.

АЙБАРЫ ШАҒЫЛДЫ Read More

АЙ СӘУЛЕСІНЕ МАЛЫНДЫ (БӨЛЕНДІ)

~ Олар ай сәулесіне малынып бері қарай жүре бергенде біз де тасадан шыға келмек болып тұрғанда, арт жақтан тағы бір топ көрінді. Б.Тоғ. ~ Қайтадан түтін түтетіп, қайтадан шаңырақ көтеріп отырған аяулы азаматтың көңіліндегі үміт сәулесін біржола үзуге дәтім бармады. Жендет рөлін атқарғым келмеді. М.Кәр. ~ Жамал ай сәулесіне малынып Ақжар басына қарай кетіп барады, кетіп барады… Б.Тоғ. ~ Абылайдың бойшаң тұлғасы ай сәулесіне бөленіп, бұрынғысынан да ұлғайып, айбарлана түскендей. І.Ес.

АЙ СӘУЛЕСІНЕ МАЛЫНДЫ (БӨЛЕНДІ) Read More

АЙБАТ АТТЫ

Ашу-ыза қысып, ұстасуға, күш сынасуға дайын сыңай танытты. ~ Қысасқа шыдамай кіжінген, ызаланған, айбат атқан достарын Поштабай әрең тиып тоқтатады. С.См.~ Көп көзі қира кезік шақты айнытпай тауып, бұны құпияның үстінен түсірді. Түсірді де тулатты. Аш бөрінің азуы арыстанға өтер ме. Қанталаған көз, күдірейген жота айбат атқанмен, атылуға батпады. С.См.

АЙБАТ АТТЫ Read More

АЙБАТ БЕРДІ

Рухтандырды, күш қосты. ~ Соңындағы жiгiттерi өз алдына, мұны мұндай сұстандырып, айбат берiп артында қамсыз қазақ
халқы жатыр. Ә.Ыб.

АЙБАТ БЕРДІ Read More

АЙ СҮТТЕЙ ЖАРЫҚ

Бұлтсыз, ашық айлы түннің сипаты. ~ Әне, келіншек далаға шықты. Күн ашылыпты. Бұлт тарапты. Ай сүттей жарық. Сақытай аспанға біраз қарап тұрды. Ай тым әдемі, ақ келіншекке ұқсайды. І.Жан. ~ Жігіттер қонақ кәдесін жасап ауыл сыртына шықты. Он төртінде туған ай сүттей жарық, түн маужырап тұр. Үп еткен жел лебі білінбейді. З.Шүк.

АЙ СҮТТЕЙ ЖАРЫҚ Read More

АЙБАТ КӨРСЕТТІ

Қорқытты, зәрленді. ~ «Ұра соқ! Ұр-а!» — деген Ұзақтың қаһарлы үні қалмақтарға үстіне аспанды төңкере салғандай әсер
етті. Атты әскерге қарсы айбат көрсете алмай қырылды. Б.Нұрж. ~ Жалақ ерін жалбыртымақ құл: — «Бұл менің болашақ
қалындығым, сұқтанбай әрі кетіңдер,» — деп айбат көрсетеді. Ө.Кәр. ~ Әлі қанаты қатаймаса да, бала қыран адамға
кәдімгідей айбат көрсетіп, жолатар емес. Е.Ер. ~ Қасқырдың бөлтірігіне тарпа бас салудан бұрын бірнешеуі жабылып та
айбат көрсете алмаған. М. Қан.

АЙБАТ КӨРСЕТТІ Read More

АЙ СЫҒАЛАЙДЫ

Бұлт арасынан шеті көрініп тұрған айдың сипаты. ~ Түн ортасы ауа нөсер басылып, жөңкілген бұлт арасынан ай сығалап, алдан ағараңдаған боз мұнар шың көрінді. Т.Әбд. ~ Көше үстінде көзге әрең шалынатын көгілдір сызықтар қалқиды – діңкиген жартас үйдің иығынан соқыр ай сығалайды. М.Қаб. ~ Жабықтың теңгедей тесігінен жылтырап ай сығалайды. С.Елуб.

АЙ СЫҒАЛАЙДЫ Read More

АЙБАТ ҚАШТЫ

Қаһарынан айрылды, ашуы қайтты. ~ Жаңа ғана бұның қасы мен қабағын бағып, тырп етерге дәрмені болмай отырған момын көп енді күйшіге ентелеп қалыпты. Дудар бөріктің астында ылғи ызғар шаша қарайтын шүңірек көздерден де ашу ыдырап, елітіп отыр. Дүрдиген-дүрдиген сеңсең бөріктерден басқаның бәрі жұмсарыпты, бәрінен де айбат қашыпты. Ә.Кек.

АЙБАТ ҚАШТЫ Read More

АЙ ҚҰШАҚ ҚАУЫП

Бірін-бірі құшағына алып, айқаса құшақтасып д.м. ~ Албырт жастың, сымбатты тұлға, сирек ажар ай құшақ қауып табысқан айырықша бақытты жан. Ә.Кек. ~ … алдарында – ішіне құйрық-бауыр салып, құдаларға ұсынған қара тегештей дөңгелек алқап, ақ шыңдар мен қара шоқылар ай құшақ қауып жатқан Маңғыстаудың қара ойы. Ә.Кек. ~ Баяғы сол алай-дүлейдің тұсында Әбілқайыр бастаған ауыр қол жыра-жықпылы ай құшақ қауып құшақтаса жығылған қазақ пен жоңғардың өлігіне толы Қаратауды шырқ айналып шықты. Ә.Кек.

АЙ ҚҰШАҚ ҚАУЫП Read More