АҒЫЛ-ТЕГІЛ ЖЫЛАДЫ

Көз жасын тия алмай, тоқтаусыз егілді. ~ Қыз тоқтап, сәл сабыр тұтып, сөз бастамақ боп, көзін сүртті. Сөйтті де: — Заман… Заман… — деп, ар жағын айта алмай, қайтадан кемсендеп, ағыл-тегіл боп және жылады. Ә.Нұрш. ~ Бұл барғанда Рахима Ермектің өзін көрмесе де көзін көргендей болып, ағыл-тегіл жылағаны әлі есінде… Қ.Жұм. ~ Жатақхананың темір төсегіне салынған төсеніштің әр жерге түйіртпектелген мақтасы жамбасына батқанына қарамай ағыл-тегіл жылап жатыр. С.Досж.

АҒЫЛ-ТЕГІЛ ЖЫЛАДЫ Read More

АҒЫЛ-ТЕГІЛ ҚУАНЫШ

Зор шаттық; мол сүйініш. ~ Орасан жеңістен соң, ағыл-тегіл қуаныштан соң әлем аспанында “қырғи қабақ соғыстың” алғашқы қар ұшқындары да қыламықтай бастады. Ш.Айт. ~ Бозторғайдың жұмырықтай денесіне көк әлемін балқытқан соншама ағыл-тегіл қуаныш ән қалай сыйғанына қайран боласың. Т.Ахт.

АҒЫЛ-ТЕГІЛ ҚУАНЫШ Read More

АДАЛ ЕҢБЕГІ

Табан ақы, маңдай терімен жиған-терген азды-көпті байлығы, абыройы. ~ Бар болғаны оған құдайдай табынатын, бар көргені — соның пұшпақтай ғана жерін өңдетіп, егінін сеуіп, астығын жинатып беріп, итше қорыған адал еңбегі ғана. Қ.Ысқ. ~ Сөйткен Рамазан міне енді адал еңбегінің арқасында ауылдағы мол дәулетті, іргелі бір үйге айналған. Баяғы ұсақтықтың ізі де жоқ. Қолы ашық, қонақ асыға мырза үй. С.Шай. ~ Қыста соғымы мен сойысы, жазда сауыны мен мінісі бар, басыбайлы ешкім жоқ, еркімен жүріп, қалауымен қызмет атқарады, «таптық езгі» көрді, зар жылады дей алмаймын. Еңбек, кәдімгі адал еңбегіне орай ақыларын алып отырды. М.Мағ.

АДАЛ ЕҢБЕГІ Read More

АҒЫН АЙЫРЫП ОТЫРҒАН

Асырап отырған, аштан өлмеуге себі тиген. ~ Шынында ағымызды айырып отырған жалғыз мүйізді жетелеп әкетсе хал мүшкіл-ау. «Жә, қой енді», –– деп, апам жұбатса да болмайды. Қ.Ысқ. ~ Отызыншы жылдардың басында кәліктіп боласың деп қорадағы қыбырлаған қоңызға дейін сыпырып әкеткенде Зүкең ағын айырып отырған қоңыр шолақ сиырын қуалап ауылсоветтің кеңсесіне барса керек. Қ.Ысқ.

АҒЫН АЙЫРЫП ОТЫРҒАН Read More

АДАЛ ЖАНДЫ

Ниеті ақ, арамдығы жоқ, таза адам. ~ Тарих шежiреге сенедi. Олар ғана емес, адал жанды адамдардың қай–қайсысынан болмасын сұрап қарашы? Олар да саған шындықты айтады. Р.Рай.

АДАЛ ЖАНДЫ Read More

АҒАШ БЕЛСЕНДІ

Қолынан ештеңе келмесе де, жорта белсенділік танытып, кез-келген іске киліге беретін дүмбілез, сырттай пысық адам туралы. ~ Жаным – ау, мынауың суырылып тұр ғой, – деді Оразмағамбет оң жағындағы жағы сопиған егде қара кісінің тізесіне қолын тигізіп. ─ Ағасы ағаш белсенді Назар емес пе, – деді анау күңк етіп, – соған тартқан шығар. Т.Әбд.

АҒАШ БЕЛСЕНДІ Read More

АҒАШ ЖАҒАЛТАЙ

Ылпың қаққан пысықайлық туралы. ~ Ағайынды қырық пышақ қылып, мына Сейтен секілді әулекілерді ағаш жағалтай қылып, абырой алғалы жүрміз десеңші она да. Ғ.Мүс. ~ Әлде бұл ақтық көрер жаңа жылы боларын сезінді ме, әлде шығыс майданы ұзамай қайта күш алады деген жоғарғы жағының ағаш жағалтайларына сенді ме, әйтеуір, бізді кернеп тұрған ашу мен ызаны қайната түсейін дегендей, Крюгер мырза жаңа жылға көрнеу ерсі әзірленіпті. Ғ.Мүс.
~ Өсер ел ормандай қалың көбін көтерсе, өсірмес ой «Тауфиқ-бей», «Жаутік-бей» деген сияқты болмашыны ағаш — жағалтай қылумен күні өтетіні белгілі ғой, бұлар бізге сонысын істеп тұр. Біз «Тауфиқ-бей!» дегенді бұл күнге дейін де талай есітсек те, оның қандай құдіреті барын көре алған емеспіз. Ғ.Мүс.

АҒАШ ЖАҒАЛТАЙ Read More

АҒАШ ЖАҒАЛТАЙ ҚЫЛДЫ

АҒАШ ЖАҒАЛТАЙ ҚЫЛДЫ
~ Өсер ел ормандай қалың көбін көтерсе, өсірмес ой «Тауфиқ-бей», «Жаутік-бей» деген сияқты болмашыны ағаш — жағалтай қылумен күні өтетіні белгілі ғой, бұлар бізге сонысын істеп тұр. Біз «Тауфиқ-бей!» дегенді бұл күнге дейін де талай есітсек те, оның қандай құдіреті барын көре алған емеспіз. Ғ.Мүс.

АҒАШ ЖАҒАЛТАЙ ҚЫЛДЫ Read More

АҒАШ ҚАЗАН ҚАЙНАТТЫ

Азғана қызықтың дәмін татты. ~ Жастық қызбалық– ай десеңші, ат мінгенге Алланың қолын алғандай күпініп еді. Сөйтсе, ол – дағы ағаш қазан қайнатқандай аз уақыттық жалған дүние екен. Былайғы жұрт жаппай соғысқа аттанып жатқанда, қолы іс біледі деп, бастықтар бұл Бектұрғанға бронь соғып тастады. Ә.Асқ.

АҒАШ ҚАЗАН ҚАЙНАТТЫ Read More