БӘЙЕК БОЛДЫ

А) Жарамсақтана қызмет көрсетті, жік-жапар болып, асты-үстіне түсті. ~ Зайыбы ұя басқанда, байы жүреді бəйек боп: əлсін-əлсін келгіштеп, жарының жайын білгіштеп. Ж.Айм. ~ … көңіліне кірбең ілінбесін деп кемпір-шал екеуі бірдей қоғадай жапырылып, құрақ ұшты. Кәмиләның қабағын бағып, бәйек болды. Ғ.Біл.
Ә) Ғашық болды, ұнатты. ~ Ол (Мақпал) өзі асқан дарынды, әрі әнші, ақын, әрі шебер болған өнерлі қыз. Сегіз серімен бұл екеуінің біріне-бірі бәйек болуы «Ләйлә мен Мәжнүннің» ғашықтығы сияқты болған. Ә.Марғ. ~ Сегіз сері оларды тегіс аралап, салдық құрып жүреді. Әсіресе Бақтиярдың сұлу қызы Мақпалға бәйек болып, оны жан-тәнімен сүйеді. Ә.Марғ.

БӘЙЕК БОЛДЫ Read More

БӘЙГЕГЕ ТІККЕН БІР МОЙЫН

Бәріне жауапты бір өзі береді д.м.~ Енді осы азапқа салғанымыз да жетер. «Бәйгеге тіккен бір мойын» дегендей, біздікі бейнетке де, ажалға да көнген бас. Қолмен істегенді мойынмен көтерейік, несіне болса да шыдап, өз еркімізбен қолға түсейік. С.Мұқ.

БӘЙГЕГЕ ТІККЕН БІР МОЙЫН Read More

БӘЙГЕГЕ ҚОСТЫ

Атын бәйгеге қатыстырды, ~ Сол Ақмырза менің бір жүйрік атыма қатты қызықты. Дос көңілін мен де қимай, көктемдегі бір асқа бәйгеге қосып, содан кейін оған бермекші болғам. С.См. ~ Ноғайқұлға құтты болсын айта келіп: – Жаңа заманда болыстың ат алып шыққаны және оны бәйгеге қосқаны қалай? Т.Әл.

БӘЙГЕГЕ ҚОСТЫ Read More

БӘЙБІШЕ ЖАЗ

Жаздың соңы, күздің басындағы сәулесі мол күндер. ~ Осы оймен ол Жіңішкенің ішін өрлеген. …Мезгіл — байсал күздің “бәйбіше жазы”… А.Алт. ~ Төңірекке қыркүйектің “бәйбіше жазымен” келген алагеуім түні түсіпті. Көз көрім жер көбең тартқан. А.Алт.

БӘЙБІШЕ ЖАЗ Read More

БӘЗ БІРЕУЛЕР

Әлдекімдер. ~ Тексеретін түгі жоқ, кірпіштердің бұрышы шыққан, әп-әдемі. Ержан бәз біреулердей мақтаншақ бала емес. М.Қаб. ~ Соларға көз салсаң, түрлі ой қозғайды, қайсысын қандай тағдыр күтіп тұр екен дейсің. Ұзамай оқуларын да тауысар, ал содан кейін ше? Бәз біреулері күйеуге шығар, бірақ кімге? Дж. Сэл. ~ Біреулер кісі жөнелткенде музыка тартқызып жатады, біреулер жалау жықтырады, ал енді біреулер тарсылдатып аспанға мылтық атып жатады, бәз біреулер гүл шашып, венок қойып жатады… Ш.Айт.

БӘЗ БІРЕУЛЕР Read More

БӘЗ БАЯҒЫДАЙ

Тап сол бұрынғыдай; еш өзгеріссіз. ~ Атына мінді де кеңсе жаққа тартып отырды. Келсе, бәз баяғыдай төрде Мүлкаман әлдебір қағаздарды сапырыстырып отыр, босаға жақта Нағанай шотын шарт-шұрт қағады. Д.Дос. ~ Бұрын қайсысы қолды ертерек созса, соныкі еді. Редакцияда бір қатып сену бар. Машбюро жақтан жеткен берекесіз сартыл ғана бәз-баяғыдай. М.Қаб.

БӘЗ БАЯҒЫДАЙ Read More

БӘЗ БАЯҒЫ

Сол бұрынғы. * Адам қартайса да, көз қартаймайды екен, жаһұт түстес жанары бәз-баяғы, «Өзің білетін
Виктор Викторовичпін», — деп, сөніп жанады, сөніп жанады. М.Қаб. * Жер үсті танымастай өзгеріпті.
Әуелі баста бөтен ел ме деп еді, жоқ, бәз-баяғы Алатау мен Қаратау, Алтай мен Атырау… М.Қаб.

БӘЗ БАЯҒЫ Read More

БӘЗ-БАЯҒЫ (БӘЗ) ҚАЛПЫ

Еш өзгермеген. ~ Бұл өмір мен өлім арасында алмағайып күй кешу. Ал кең дүние, алуан бояулы кең дүние бәз-баяғы қалпы. С.Елу. ~ Қазір бәз-баяғы қалпы. Тек бұтағына іле салған мына бейтаныс жанның брезент дорбасынан құм бетіне тырс-тырс мөлдір тамшы үзіледі. С.Елу. ~ Арада бір он-он бес күн өткенде былтырғы татар жастары да бәз — баяғы қалпында қайта жетті. Ж.Ахм. ~ Шіркін, табиғаттың бәз-баяғы, сол бір керемет сұлу қалпы! Т.Бер.

Сол бұрынғы кейпі, жағдайы. ~ Жер шарының шаруасында еш нәрсе өзгермес үшін, бәрі де бәз қалпында қалуы үшін бұл ракеталар қиыр космосқа шығып, жер шарын айнала қоршап, тұрақты қамал құрмақшы… Ш.Айт. ~ … сұқ саусағы құйысқан батар қуысқа қаттырақ тигенде артына бажырайып бір қарады. Қисық мұрын бәз қалпы: түк сезбегендей, түк көрмегендей, қолды бір сілтеді. Қ.Ысқ. ~ Дәрменқұлдың әлгі де күреңіткен жүзі бәз қалпына түсті. З.Шүк.

БӘЗ-БАЯҒЫ (БӘЗ) ҚАЛПЫ Read More