БӨТЕН КӨРМЕДІ

Қарсы болмады, теріс санамады, хош көрді. ~ Жаманбаймен көңіл қосқаныңды әуелден– ақ бөтен көрмейтін едім, бірақ енді мына масқараға ұшырап қалдың… Мұныңды әкең білсе, екеумізді де оңдырмайды, Жаманбайдың да қарасын өшіреді. С.Ом. ~ Қасымбекке ақтарыла құлап, ғашық болған еш нәрсем жоқ сияқты еді, былай жақсы таныстық, бөтен көрмедім, ол кетерден бұрын сөз салғанда ойланатын да едім… Т.Ахт. ~ Мені… Мені бір әдепсіз жанға саймасаңыз, тағы да кездесіп, әңгімелессек қайтеді? — Ауыл бұған не дейді, аға? — Бөтен көрмес… М.Сүн.

БӨТЕН КӨРМЕДІ Read More

БӨТЕН БІРЕУ

Көлденең адам, басқа біреу. ~ Шалдың айтқанын істеп басын суға тығып еді, өзіне– өзі бөтен біреу сықылданып, қасында бір сұлу қатынымен төсекте жатқан сияқтанып көрінді. Шәк. ~ Әйтсе де неге екенін езі де білмейді, соңғы кезде бір белгісіз күш итермелеп осыған көн деген сияқты болды. Қашанда болса, Сарымсақтан айрылып, бөтен біреуге қатын болып тию міндет секілденді. Б.Май.

БӨТЕН БІРЕУ Read More

БӨТЕН АДАМ ЕМЕС

Әлдебір жақындығы бар, көлденең емес. ~ Мен бөтен адам емеспін. Осы қалаға жақында келген бір туысыңыз болам. Орталық кооперативте бастық болам — Дәуіт Борамбаевич… Ғ.Сл. ~ Ей, жолдас! Неге туған жер туралы әңгіме қозғалып отыр? Кім бұл жерде туған жерін сағынып келеді? Оны өздерің білесіңдер, ол — бізге бөтен адам емес. Демалысқа барып, шешесін алып, Алматыға қайтып келе жатқан Ғазиз. Б.Бұл. ~ Ау, не деп тұрсың? Мен бұл жерге бөтен адам емеспін, мен осы жерде туғам, өмір сүрдім, еңбек еттім… ата– бабам бәрі осы араныкі, осы жерде жатыр… ұқтың ба! – деді Байсұлтан қапаланып. Ә.Асқ.

БӨТЕН АДАМ ЕМЕС Read More

БӨТЕКЕДЕЙ БҰЛТИҒАН

Көзге ұрып, көрініп тұр д.м. ~ Әбілқайыр құла далаға құлағын тосып тұрып қалды. Телмірген жанарының алдына қатпар жон, қаяулы өң Қаратау келді. Оның бөтекедей бұлтиған бір бөктерінде оқшау отырған жаңғыз үй келді. Ә.Кек. ~ Төңірек түгел күздің алтын түсіне бөгіп, ол да дел– сал мүлгіп тұр. Бөтекедей бұлтиған бөктер мен қызғылт қыраттар қызықтырып көз арбайды. Ә.Асқ.

БӨТЕКЕДЕЙ БҰЛТИҒАН Read More

БӨСТЕКІ СӨЗ (ӘҢГІМЕ)

Жорта айтылған қаңқу сөз, бос әңгіме. ~ Ұйықтайық енді. Тынши түскен соң Анна басын жастыққа салды. Әлгі бөстекі сөзіме мән бермей — ақ қой. Жаны күйген әйел не демейді? Ол оқыс ұмтылып, жігіттің иығынан сүйіп алды. М.Кәр. ~ Рамазан танымал болмаса көрінгенмен әзілдесе бермейтін, бөтеннің сыртынан бөстекі сөз айтпайтын. Күлкінің объектісі қашанда өзі еді. Қ.Ысқ. ~ Көңілімде мүддем толып жатыр. Қайсыбірін тізе берейін. Бөстекі сөзбен басыңды қатырмай, тоқетерін айтайын…- Ойлы пішінмен үнсіз отырып қалды. С.Ом. ~ Тастыбай бөстекі әңгіменің ұзаққа соғылғанын жақтырмады. Болар– болмас қабағын шытты: — Тегін дүниені ұнатпаушы ем… Қ.Жиен.

БӨСТЕКІ СӨЗ (ӘҢГІМЕ) Read More

БӨСТЕКІ ЖҰМЫС

Үйреншікті мән-мағынасыз іс. ~ Аттың құйрығын көтеріп көру де сондай бөстекі жұмыстың бірі ме, көптен ескермеген аты бас-аяғын түгендеп, амандығын білгенге разы болсын дегені ме, кім білсін? Ж.Айм.

БӨСТЕКІ ЖҰМЫС Read More

БӨСПЕ СӨЗ

Бос даурықпа сөз, лепірме өтірік. ~ Бейшең ауызда береке жоғын, ғайбаттың құйыны ауыл жықпайтынын, қаңбақ қоқтықса өртке ұшырайтынын айтып өтті. Өзінің де бір кезде бөспе сөзге үйір болғанын, бұл күнде тоқтасқан, ауыл билейтінін ишаралады. Т.Әл. ~ Өлең болса неғыл дейсің?! Мақал төрт жолдан да, он жолдан да келе береді. – Қой, қарағым, он жол дегенің тіпті түк қисынға келмейді. Сондай бөспе сөз не керек. Өлең етіп айта бер, бізге қазір керегі қысқа, дөп айтылатын мақал. Ақан серім, енді өзің айтшы, ұмытып қалған жоқсың ба? С.Жүн.

БӨСПЕ СӨЗ Read More

БӨРКІҢДІ БАСА КИ

Күмән келтірме. ~ Егер «жаман айтпай жақсы жоқ» мұның көзі жұмыла кетсе,«балаларыңды асырай ғой, байқұс» дейді дейсің бе, бай ағайынның бірі Ұлбосынды қатын үстіне алып, оны күң, балалардың барлығын шетінен малшы-қосшы етері хақ, оған бөркіңді баса ки, солай болары сөзсіз. Ал әйелі өлсе ше? Б.Қыд.

БӨРКІҢДІ БАСА КИ Read More