БІРІНЕН БІРІ АУМАЙДЫ (АЙЫРЫП АЛҒЫСЫЗ)

Тап сондай, бір қалыптан шыққандай, егіздің сыңарындай. ~ Осы көрініс бір кеште екі- үш қайталанды. Бірінен- бірі аумайды. З.Қаб. ~ Екі босағасы мен маңдайшасын оймыштап тастаған зіп-зілдей қарағай қақпа айқара ашылады да, ішінен бірінен бірі аумайтын бір өң үш ат жеккен күймелі шана атып шығады. Ә.Кек. ~ Үшеуі – бірінен бірі айырып алғысыз сыптығыр қара. Ә.Кек.

БІРІНЕН БІРІ АУМАЙДЫ (АЙЫРЫП АЛҒЫСЫЗ) Read More

БІРІНЕН БІРІ ІЛІП ӘКЕТТІ

Ауыздан ауызға тарады. ~ Оның қақпан басып, қара жүз болып басынан ерік кетіп түйеге мінгесіп Семейге айдалғанын көрген жұрт, Мұқаметқалидың батыл да пәрменді қимылын аңызға айналдырып, түрлендіріп бірінен бірі іліп әкетті. С.Бег.

БІРІНЕН БІРІ ІЛІП ӘКЕТТІ Read More

БІРІНЕН БІРІ ӨТКЕН

Бірінен бірі артық. ~ Ән болғанда қандай! Бірінен бірі өткен сазды, кейде қайғылы, кейде қуанышты туындылар. І.Ес. ~ Жетісуда Тентек екеу. Бірі сонау Алакөл бойында. Бірі осы, Екеуі бірінен бірі өтеді. Екеуі де тентек, екеуі де ерке, екеуі де еркін. С.Бақ.~ Бірінен бірі өткен бөлмелер. Жиһаз- мебельдері кездің жауын алады. Ең соңында кең залға кіргізді. С.См.

БІРІНЕН БІРІ ӨТКЕН Read More

БІРІН ДІН, БІРІН КҮН САНАДЫ

Әркімге әрқилы баға беріп, өз түсініік-пайымына сай дәрежеледі. ~ Халық түгіл қажылар да екі жақты. Олар хазірет пен мұғалімнің екеуіне де бірдей. Олар бірін «дін», бірін «күн» деп түсінеді. Бірін «бұ дүние, бірін о дүние» деп ұғынады. І.Жанс.

БІРІН ДІН, БІРІН КҮН САНАДЫ Read More

БІРІН-БІРІ ЖАҢА КӨРГЕНДЕЙ

Бір-біріне таң қала, көз алмай қарау. * Орақ қысылса да, келіншегінің сөзін қимады. Бұзауды босатып, енесінің бауырына салды. Келіншегіне қарады. Тотия оған қарады. Бірін- бірі жана көргендей. Ш.Мұр. * Көше жақ беттегі терезе тұсынан салт атты дүсірлей өтті де, іле қақпаның есігі сарт ете қалды. Бақан елеңдей серпілді. Екеуі бірін-бірі жаңа көргендей состиып тұр… М.Сүн.

БІРІН-БІРІ ЖАҢА КӨРГЕНДЕЙ Read More

БІРІ ОЛАЙ, БІРІ БЫЛАЙ ТАРТТЫ

Әрі-сәрі болды, біреу әрі, біреу бері тартып, ығыр қылды. ~ Колхоздың ұйымдасқанына отыз жыл толу мерекесін өткізу мәселесі айтысқа түсіп, бірі олай, бірі былай тартты. С.Бақ. ~ Бірі олай тартады, бірі былай, Бірі өзінше патша, бірі құдай, Бір сәтте ұйып, бір сәтте іруін-ай, Қазекемнің осы бір ырымын-ай. М.Мақ.

БІРІ ОЛАЙ, БІРІ БЫЛАЙ ТАРТТЫ Read More

БІРІ ДЕ, (ӘРІ) БІРЕГЕЙІ ДЕ

Көптің ішіндегі дарасы да бәрінен артығы. ~ Елеусіз солардың бірі де бірегейі еді. Осылай болғандықтан, ол турасында кейінірек кеңес шертуді лайық көреміз. Т.Әл. ~ Талант табиғатына тән дарындылықпен ұлтшылдық идеяны шығармаларына мансұқ еткен ұлт қаламгерінің бірі әрі бірегейі де Мұхтар Мағауин болатын. А.Кәкен.

БІРІ ДЕ, (ӘРІ) БІРЕГЕЙІ ДЕ Read More

БІРІ БОЛМАСА БІРІ

Көптің әйтеуір біреуі. ~ Ұзақ меңірейіп үнсіз отырған күйеу кейде қасына ерген жолдастарының бірі болмаса, бірі аяқ астынан ойнақыланып, бүйірінен бір түртіп, өзіне қисайтып, құлағына бір нəрсе сыбырлай қалса, мынау дереу қайда отырғанын ұмытып, үйді басына көтере біресе кеңк– кеңк, біресе қарқ– қарқ күліп, шалқалап құлап бара жатады. З.Қаб. ~ Не қылса да сонау алыс заманда тірлік кешкен ата–бабалардың бірі болмаса бірі ел іргесін көтеріп қалап келе жатқанда, бір кірпіші құрғыр қисық қаланып кетті ме? Сүйтті ме екен? Ә.Нұрп. ~ Бәлкім, мұнын жауабын кітаптан іздесем бе екен? Дүниеде талай данышпандар жазған кітаптар бар. Мүмкін солардан табармын. Бірі болмаса, бірі жазған шығар… Содан бері кітаптан бас алмаймын. Н.Сер.

БІРІ БОЛМАСА БІРІ Read More

БІРІ АТЫП, БІРІ ҚАҚТЫ

Ынтымақтаса, тізе қосып тірлік қылу. ~ Желі басында біреу күнделеп бие сауса, бірі құлынға ие болып, қолына құрық түспейді. Жігіттермен қалжыңдаса қалса бірі атып, бірі қағады. Сейіт досы бастап, Жолдыбай тұңғыш рет барған күні екі үйлі жан Жұмаханның отбасында екен. Т.Рыск. * Кілең бірі атып, бірі қаққан дырду жастардың ортасынан шығамыз ба деп еді. Кәдімгі қоңыр төбел кеш… М.Қаб.

БІРІ АТЫП, БІРІ ҚАҚТЫ Read More