БІР СУЫРТПАҚ ЖІП

Болмашы ғана дүние, түкке тұрғысыз бұйым. ~ Азаматы үйде болса, балаларынан бұрын алдымен соның бабын істейді. Бір суыртпақ жіп тапса да, соның бойына жапсырғысы кеп тұрады. Ә.Нұрп. ~ Барсам Жамал бөйбіше кебежесін ақтарып жатыр екен. Бөркім қолымда. Келген шаруамды айтып, бір суыртпақ жіп сұрадым бәйбішеден… С.Ел. ~ Бұрын біздің ауылда суыртпақ жіп жоғалмаушы еді,– дейді апам, – мына соғыс кезінде әр жақтан көшіп келгендер көбейді де, ұрлық– қарлық шыға бастады,– дейді. С.Мұр.

БІР СУЫРТПАҚ ЖІП Read More

БІР СУЫНЫП, БІР ЫСЫП

Жан тебіренткен ыстық сезімге берілу. ~ Тау жаңғырып, ән қосып Үрген ит пен айтаққа. Келмеп пе едің жол тосып Жолығуға аулаққа? Таймаңдамай тамылжып, Бір суынып, бір ысып, Дем ала алмай дамыл қып, Елең қағып, бос шошып. Абай. ~ Кездескендер түріме Таңырқасып қарады. Елең болмай бірі де, Сен биледің сананы. Күйге түстім не түрлі — Бір суынып, бір ысып. Айыпты адам секілді Кете бардым ығысып. Ф.Оңғ. ~ Іңкəр жүректер лүпіл қағып, бірге соқты. Жігіт те, қыз да бұлқынған бұла сезіммен булығып, бір суынып, бір ысып, дамыл ғып дем ала алмай ынтығып, елең қағып, бос шошып, қоянның көжегіндей дірдір етіп, бірінің бауырына бірі тығылып, бірінің тамағын бірінің иегі кезек- кезек аймалайды. З.Қаб.

БІР СУЫНЫП, БІР ЫСЫП Read More

БІР СӨЗІНЕН БІР СӨЗІ ӨТТІ

Айтқан сөздерінің бәрі құнды, ойлы, салмақты. ~ Ғұмыры бүйтіп жылап көрген жоқ еді. Әкесі, шешесі өлгенде де бұлай болмаған-ды. Әлде тым жас болған соң ол кезде қайғының не екенін білмеді ме? Бисараның бір сөзінен бір сөзі өтеді. К.Қаз.

БІР СӨЗІНЕН БІР СӨЗІ ӨТТІ Read More

БІР СӨЗДІ

Айтқанында тұратын адам. ~ Нағашымның аты — Абыл. Өзі келісті, аласа бойлы, ақ сары өңді, жылқы тіс, жирен қапа сақалды, шапшаң, жүрдек кісі екен. Мінезі — мерт. Өте әділ, бір сөзді, сыншыл адам болған. Айырықша қасиеті — құралайды көзге атқан мерген. Ү.Жлк. ~ Сонда – менің лекциям машинкаға басқанда отыз екі бет шығыпты да, Белгілінікі – дəлме– дəл төрт бет болыпты. Əлі сол шоқырағыңнан жазбапсың– ау, жарықтығым. Еркек бір сөзді болуы керек қой! – деп езуін кере əзіл айтқан болды Бегей. З.Қаб.

БІР СӨЗДІ Read More

БІР СӨЗБЕН АЙТҚАНДА

Қысқа қайырғанда. ~ Газеттен оқыған шығарсың, біздің қаланың аты өзгеріп «Алматы» болған, облыс «Жетісу» атанған. Ауыл тұрмысы әлдеқайда түзелді, түзеліп келеді: жұрт отырықшылыққа, шаруаға айналып келеді… Жақын арада қазақтарға жер үлестіріледі. Бір сөзбен айтқанда «Іленің қырағысы» Қадырдың мақсұты орындалып келеді… Ж.Айм. ~ Моңғолияға ақ түйелі диуана кейпінде келген Жа– лама халықтың осы пәк сеніміне дап– дайын қожа бола қалады. Бір сөзбен айтқанда, ол халық зердесіндегі Әмірсана туралы мифті қайта тірілткен бейне екені даусыз. Т.Жұр.

БІР СӨЗБЕН АЙТҚАНДА Read More

БІР СОҒАР

Ұр да жық, қарабайыр, тұрпайы. ~ … Бір жұмадан кейін сол жеңгемізді алды. Оқығандардың үйленгені де бір түрлі ғой. Құда түсер, қол ұстатар, шаш сипар, ілу, жыртыс, киіт-сиіт, кәде-сәде дегеннің бірде-бірі жоқ. Томаға тұйық үйге алып келіп, қонақ шақырады екен. Қыз ибасы да, қынамендесі де, тойы да — сол. Бір соғар. Ж.Айм.

БІР СОҒАР Read More

СИЫРДЫҢ БҮЙРЕГІ

Бірлігі жоқ, шашыраңқы д.м. ~ — Бұ қу кедей қалай оңсын… Өзімізде береке жоқ. Бір- ауыздылық жоқ. Біз бір шілдің боғы. Біз бір қырық құрау, өңкей саяқ… Жеке жайыламыз да отырамыз… Осы қара бауырдың ішінде бір дуалы ауыз жоқ. Бірінің айтқанына бірі көнбейді. Біз бір сиырдың бүйрегі… — деп Сәрсен анда- санда үзілген сөзінің жібін жалғап отырды… І.Жанс.

СИЫРДЫҢ БҮЙРЕГІ Read More

БІР СӘРІ (ЖӨН)

Орыны бөлек; жөні басқа деген мағынада. * Николай бір сәрі екен ғой деген де болды. Ж.Айм. * Метр болса бір сәрі, Кейде маған, Жетпейтіні — бір сүйем, елі ғана! Қ-М.Әли * Тәтті нанның жұмсағы. Болмай қалса – ұрсады. Есебінің бір саны. Жетпей қалса – ұрсады. Үлкен болса бір сәрі, Құп-құттай боп ұрсады. Б.Кір. * Көктем шығар-шықпаста басталған науқан болса бiр сәрi, жер тырмалап, қап түбiндегi қалған-құтқанды сепсе де, өлмес күннiң қаракетiне кiрiсер едi ғой. Т.Сәу.

БІР СӘРІ (ЖӨН) Read More

БІР СЕБЕПТЕН

Бір жағынан ~ Япыр — ау, алда-жалда бір себептен үкімет адамының қолына өзің түсіп қалсаң, бұны қайтпек ойың болған! —деп Қарымсаққа таңдана қарап отыр. Ж.Ахм. ~ …әскер тәртібінің осылай, сүйекке сіңісті боп, көпке дейін кеңілден кетпегеніне өз басым, бір себептен, өкін-беймін де. Ә.Нұрш.

БІР СЕБЕПТЕН Read More

БІР САУСАҒЫ (ТЫРНАҒЫ) ІШКЕ БҮГУЛІ

Ішкі арам ойы бар. * Иә, Қырымды қақалмай жұтқан, әм әлемдік соғыс ошақтарына өз әскерін жіберіп
отырған, агрессорлық саясат ұстанатын Ресейдің Қазақстандағы жағымды образын қалыптастыру
аясында өмірге келген бұл жобаның бір саусағы ішке бүгулі екені дау тудырмайды. БАҚ * Нұрымжанның
соны меңзеп отырғанын түсінген. Бірақ оның қаншалықты заман ағымын түсіне қойғанына, жаңа дүниеге
деген көзқарасының қаншалықты түзіктігіне сенгісі келгенмен, іш жағына қарай бүгілген бір саусағы жоқ
па екен, бұл ағынан жарылған келбет-кейпі тереңнен толғап, жымын білдірмей жымысқы ниетін іштей
жұптастырып отыратын есепшілдік емес пе екен деп те күманданған. К.Сег. * Қуықтай бөлмеде мәнсіз,
мағынасыз тірлік кешіп жатқан нәзік жаратылысты жандардың шын бет-бейнесі көктен түскен тәңірдің
елшісіндей маңғаздана басып, бойлы-сойлы Абдолла ақсақал кіріп келгенде ашылады. Оны ертіп келген
тырнағы ішке бүгулі бастық та мақтауын жеткізіп, «дұрыс қараңдар, бұл анау-мынау адам емес» дегенді
ұғындырып кетеді. Н.Ерғ. ~ – Бүгін де иіні салбыраған кейпімді бір көріп масайрайын деп жетіп келдің ғой,
ә? – миығында күлкі бар,- Бір саусағы бүгулі жүреді-ау,- деп жақтырмайтын едім. Қателеспеппін. Мен
түңілген сайын сен шаттандың… С.Әбік.

БІР САУСАҒЫ (ТЫРНАҒЫ) ІШКЕ БҮГУЛІ Read More