БІР ТАРЫНЫҢ ҚАУЫЗЫНА СЫЙҒЫЗДЫ

Қырып-жойып, жаныштады, озбырлық көрсетті, басына әңгір таяқ ойнатты, ~ Он жетінші жылғы төңкерістен кейін екі жылдай аумалы-төкпелі заман болды ғой. Айғырдай азынап ақтар келді. Елді қырып-жойып бір тарының қауызына сыйғызды. Барғанынан келмесін, жатқан жерінен тұрмасын. Аты өшсін!.. С.Ом. ~ Дайрабай туыстарын сәскеге шейін күтті. Бір үйге кіреді, бір далаға шығады. Ауылдағы үлкен-кішіні бір тарының қауызына сыиғызып, бидайықтай қуырды. З.Шүк. ~ Әйтсе де сол жылы күзгі санақта әр жүз саулыққа 130 қозы ергізіп, көш бастап, Ленин орденімен наградталдым. Бірақ, қарақтарым, бастық біткеннің бәрін бір тарының қауызына сыйғызып, даттауға болмайды. Ж. Сәд.

БІР ТАРЫНЫҢ ҚАУЫЗЫНА СЫЙҒЫЗДЫ Read More

БІР ТАЙПА ЕЛ

Ру, ата жағынан жақын бір қауым ел. ~ Қошқардай бес ұл — тұңғышым жиырмада, кенжем он екіде — кімнің маңдайына тарлық қылғандай, бесеуім — бес терек, ертең-ақ бір тайпа ел болып кетеді. Ә.Тар. ~ Баяғы «жәркөлеш» Ждақай қазір бір тайпа елді аузына қаратқан бастық, мінеки. Мына жатқан кең дала, «Жана жол» ауыл — аймағымен, бота-тайлағымен енді Ждақайдың аузына қарайды. С.Ел. ~ Сарыбаевтың хабаршысының айтқан жобасымен түнделетіп жүріп отырып шөл жақ ішіндегі бір ауылға келдік. Ауыл бір тайпа елдің шеті екен. С.Бег. ~ Жүз елуден астам түтіннен құралған бір тайпа ел көп жылдан бері құнарсыз шөл далада өлмешінің күнін көріп келдік. С.Бег. ~ Қаратайдың аруағын арзандатып алып, Қаратаймыз деп бос күпінетін бүгінгі бір тайпа елге Шәкеңдер жетіспейтін сияқты. Қ.Ысқ.

БІР ТАЙПА ЕЛ Read More

БІР ТАБАНҒА ШЕЙІН

Біразға дейін. ~ Злиха бір табанға шейін болады, болмайды деп уәде берместен келсе де, нақ қашатын күні кешке Қоржынтай келіп, өлердегі сөзін айтып, уәдесін сұраған, нақ сол жерде неғып жеңілгенін езі де білмейді. Б.Май.

БІР ТАБАНҒА ШЕЙІН Read More

БІР ТАБАН ЖАҚЫН

Туыстығы не басқалай жақындығы молырақ. ~ — Кеше атаң Абылайды хан көтерген одан — әкең Уәліні ол өлген соң шешең — Айғанымды хан сайлаған Атығай менен Қарауыл еді, өзге рулардан бір табан саған жақын еді, сондықтан Есенейден гөрі сені жақын тұтып, бірінші рет саған сөйлесіп отырмын, — деп бастап, татулық әңгімесін айтып еді. С.Мұқ. * Бұлардың алғашқысы билікке бір табан жақын, соңғысы нағыз оппозициялық партия. С.Дос. * Сен басшыларға бір табан жақынсың ғой. Біз секілді шаруаның торысына өсек екеш өсек те өзек талдырып зорға жетеді. Осы әлгі бірінші хатшының өседі дегені рас па? Қ.Ысқ. * … сэр Эллиот орысша таза сөйлейді. Онысын орыс халқына езгелерден гөрі өзінің бір табан жақындығын танытатын туыстық белгісіндей көріп әрдайым пәш етіп жүреді. Ә.Нұрп. * Енді ана Құлыштың Тапалы мен Байдосын тарту керек артельге. Сіздер сөйлесіңіз, бір табан жақынсыз ғой. Х.Есен. ~ Сол күні пошташының түйесіне мінгесіп, бір табан жақын ғой деген оймен, ойдағы Жарбөгетке жетіп қалды. Т.Әбд.

БІР ТАБАН ЖАҚЫН Read More

БІР СЫРЛЫ, СЕГІЗ ҚЫРЛЫ

Сан қырлы өнері бар, жігіттің сұлтаны. ~ Ac аяқталарда жігіт сыны боп, бір сырлы, сегіз қырлы» жігіттің сырттаны жүлдесін кіші жүздің бір жігіті алды. М.Әу. ~ Ау, осы сен келіншектердің арасынан шықпайсың, үйленейін деп жүргеннен саумысың. – Е, үйленсе несі бар. Мұндай жігітке кім қызын бермейді. Өзі әнші, өзі шаруақор, деген бір сырлы, сегіз қырлының өзі емес пе?! С.Жүн. ~ Қарақат, бүлдіргеннің бәрі пісіп, Сай– сайға қыз– келіншек жоғалғанда. Бір сырлы, сегіз қырлы бозбалалар Ғашығын іздеп табар со барғанда. Ә.Най.

БІР СЫРЛЫ, СЕГІЗ ҚЫРЛЫ Read More

БІР СЫР БАР

Бұл тегіннен-тегін емес, мұнда бір құпия бар, бір гәбі бар. * Сол себептi, олар жағдайымыздың аяқ астынан жақсара түскенiне күмəнданды. Мұнда бiр сыр бар екенiн сезгендей қайта-қайта үйге келгiштеп жүрдi. Əйтеуiр, көп ұзамай бəрi аян болды. С.Досж. * Кішірек көздері Әлимаға жаудырай қиыла қарап имене, батылсыз жымылықтайды. Жүзінде жұмбақты бір сыр бар сияқты. С.Мұр. * Тек, Қалаулы емханадан шыққалы жатса керек, Қанаттың қипақтауына қарағанда, үлкен бір сыр бар секілді… Ғ.Слан. * Басымның ішінде бірдеңелер дүбірлеп шаба жөнелді. Бұл – ми істей бастады деген сөз. Біздің ауылдың топырағында бір сыр бар, бар… Ол не сыр? Тоқта, тоқта… М.Қаб.

БІР СЫР БАР Read More

БІР СЫДЫРҒЫ

Біршама, әжептәуір. ~ Көлбай, Талпақ, Сарыауыз үшеуі қосшы союзының болыстық съезінен қайтып келеді. Астағы аттары енді бұрынғыдай тай-тулақ емес. Жал-құйрғы бүтін: қоңы тоқ — шаруаның тұғыры… Киімдері де бір сыдырғы бүтінделіп қалған. М.Әу. * Сөйлегенде болсын, жазғанда болсын төл сөздеріміздегі үйлесіп, үндесіп, бір сыдырғы айтылып келе жатқан дыбыстардың тіркесіне іріткі түсіріп, күйісінен жаңылған малдай мәңгіріп қалатын кездеріміз жиі байқалады. Б.Қали.

БІР СЫДЫРҒЫ Read More