БАЛА КӨТЕРДІ

Жүкті болды, аяғы ауырлады. ~ «Мені бұрынғы ерім тоқалдыққа алғанда бала үшін алған еді. Барған соң кешікпей-ақ жүкті болып, бала көтердім. Бірақ балам туып өле берді. С.Сей. ~ Тәнті жыл жарым аралатып, құрсағы құрғамай бала көтеріп, айналасы он-он бір жылдың ішінде алты баланың анасы атанып шыға келген. Е.Жең.

БАЛА КӨТЕРДІ Read More

БАЛА КӨҢІЛ

Бейкүнә, аңғал, қиялшыл, сенімпаз көңіл. ~ Алтыншы класта өзімен бірге оқитын, интернатта жататын жолдасы демалысқа қарсы Сайлаубекті аулына қонаққа шақырған. Бала көңілге бейтаныс нәрсенің бәрі ермек, бәрі қызық көрінеді ғой. С.См. ~ Өз шешесіндей бұларды таптаушылар да мықты болса керек. Бала көңіл біресе олай, біресе бұлай толқиды. К.Қаз. ~ Табан астынан ұзақ сапарға бекінген бала көңілін түн пердесін ысырып, мына тылсым, мылқау дүниені жарық сәулесімен оятқалы келе жатқан ай өсіріп жіберді. Н.Сер. ~ Даланы басқан аппақ қар күміс түсті дария секілді. Сол дарияның кез-келген тамшысы жылт-жылт етіп күнмен шағылысып тұрғандай. Қысты күнгі осы бір көрініс бір сәт бала көңілімді елітіп жіберіпті. К.Қаз.

БАЛА КӨҢІЛ Read More

БАЛА КӨКІРЕК

Албырт, сенімпаз, қулық-сұмдықтан ада көңіл. ~ Шұға — сұлулық, сұлулық — адалдық, адалдық — әділдік болатын. Сол сұлулыққа бала көкірек адалдық танытады. Т.Қан.

БАЛА КӨКІРЕК Read More

БАЛА БОЛМАЙДЫ

Түк шықпайды, ештеңеге жарамайды. ~ Содан күнде жиналыс. Қым–қиғаш айтыс. Жұрттың көбі: «Қой, мынау бала болмайтын сөз, оған көлік қайда, күш қайда?» – деп безіп шықты. Т.Әбд.

БАЛА БОЛМАЙДЫ Read More

БАЛА БОЛДЫ (БОЛЫП КЕТТІ)

Балаға лайық қылық жасады. ~ Мен білсем тап осының қой мен шошқаның арасынан туған шата. — Жұрт күледі… Райқан ыза болып түйіліп, тұтанып қап: — Ата, қойшы, бала болмай… М.Әу. ~ Сен кімсің? Құдай деген ишарамын… Дуана… Аллай-хақ… Асқар қарнынан салып қалды. — Тек. Бала болма. М.Әу. ~ Қалқам, бала болып кеттің бе, жылама,- деді әкелік ілтипатпен, − Одан да концерттің қалған жағын қалай өткіземіз, соны ақылдасайық. І.Ес. ~ Сол кезде мына балғын денелі келіншектің қасында ол өзін шынымен-ақ бала болып кеткендей көретін. Ә.Нұрп.

БАЛА БОЛДЫ (БОЛЫП КЕТТІ) Read More

БАЛА БАСТЫ

Көп балалы, бала бағудан көзі ашылмайды д.м. ~ Қазақтар бір кезде ерте үйленген. Он бесте отау иесі. Көшпелі өмірде бала басты әйелдер елуінде саптан шығып қалады. Қ.Жұм. ~ Жап-жас жігіт Әміров үйелмелі — сүйелмелі төрт кішкене балаға әке болып үлгерген. Әйелі бала бастылықтан салақсып кеткен салпы етек біреу. Б.Соқ. ~ Қанша оқыды дегенмен әйел адам, ертең бала басты болған соң қиын болмай ма? – десіп жан аши сөйлесе … С.Жүн. ~ Бала басты боп кеткесін қиын екен. Жарты ақыға істеп жүрмін. Т.Ахт.

БАЛА БАСТЫ Read More

БАЛ ШЫРЫНЫ

Балдай тәтті сезім туралы. ~ Жасым жиырма үшке келгенде махаббат деген бал шырынның дәмін татып, уын iштiм. Сол махаббаттың адам төзбес ауырлығын көтердiм. “Бұл қандай ауырлық?” деп ойламағын. Бұл сенiң – жауапсыздығың! Д.Рам. ~ Ет жүрегім елжіреп, бақыттың бал шырынына батып бара жатқандай есеңгіреген күй кештім. Ә.Асқ. ~ Қамар жеңгейдің бар тіршілігі, мұң– арманы осы әнде ғана қалған дерсің. Махаббаттың бал – шырынын сусыны қанып жұта алмағанын, өкініші, өксігі көп ішқұсалықтан өртенгенін, оралмасқа кеткен жастық шағын егіле тұрып еске алады. С.Мұр.

БАЛ ШЫРЫНЫ Read More

БАЛ ШЕКЕРДЕЙ СӨЗІ БАР (СӨЗДЕРІ)

Тәтті сөзімен баурап алатын, тілінен бал тамған д.м. ~ Бет алдына қарасам, Шам-шырақтай көзі бар, Бал шекердей сөзі бар. Бармақ болсаң төсекте Ханбибі қыздың өзі бар, Маржандай болған тісі бар. «Қисса -и Қарабек». ~ Кеудең жатыр былғанып, Аяқ-қолың шұлғанып, Кебінің жоқ, көрің жоқ, Жерде жатар ер ме едің? Құмға былғап шашынды, Көзден шыққан жасыңды Жерге ағызар ер ме едің? Гаухар басың иленіп, Алтын тәнің былғанып, Дарға асылар ер ме едің? Қарақаттай көздерің, Қызыл гауһар жүздерің Бал шекердей сөздерің, Бір көруге зар болдым… «Бозжігіт»

БАЛ ШЕКЕРДЕЙ СӨЗІ БАР (СӨЗДЕРІ) Read More

БАЛ ТАҢДАЙ

Майда тілді, сөзге шешен немесе құйқылжытып ән салатын өнер иесі туралы. ~ Айналдым, ақ маңдайлым, Ақылдым, бал таңдайлым. Жалынды жас дәуренде, Ұялма, «жан сәулем» де. М.Әлім. ~ Көпшілік қауым ұғымында тоғайлар мен көкорай шалғынды жерлерді бал таңдай бақташылар жайлап алған дейтін түсінік бар. М.Серв.

БАЛ ТАҢДАЙ Read More

БАЛ СЕЗІМ

Шынайы, соны сезім. ~ Бал сезім билеп жанымды, Лапылдап жүрген шақта бұл, Жасырма, жаным, барыңды, Алдымда менің ақтарыл. Ф.Оңғ. ~ Өмір өзгерді, өмірмен бірге мінез де өзгерді, баяғы балалық бал сезім адыра қалды. Ә.Асқ. ~ «Малынып мұң-желімге Жырақта жүргенімде Тайғақ жолдар жанымды бек жүдетіп, Саған деген бал сезім елжіретіп… Ф.Оңғ.

БАЛ СЕЗІМ Read More