БАҚ ТӘУЕКЕЛ!

Болары болсын деп, қатерге бас тігу. ~ Сонда бала кімнің алмасын алса, ол соның баласы болады. Осыған шыдаймысың? – деп әйеліне шарт қойыпты. Оған әйелі де: «Бақ тәуекел!» – деп бел байлайды. ҚЕ.

БАҚ ТӘУЕКЕЛ! Read More

БАҚ ТАЛАСТЫРДЫ

Біреудің бақытын күндеді, көре алмады, тайталасты. ~ Қырсығып сөйлегенінді қоймадың-ау, Айтжан! Сенімен бақ таластырып жүрген кім бар? Алтын Жұлдызды арызсыз да алуыңа болатын еді ғой! Б.Тоғ.

БАҚ ТАЛАСТЫРДЫ Read More

БАҚ ТАЙДЫ

Жолы болмады, сәтсіздікке ұшырады, бақ-дәулетінен айрылды. ~ Сен де аурудан тұрған адамдай боп қалдың — ау, Тотия. Екі бетіңнен қан тама жаздап, деміңнен ыстық леп жалындап жанып тұрар едің, адамнан бақ тайса қиын екен ғой. Ш.Мұрт.

БАҚ ТАЙДЫ Read More

БАҚ СЫНАДЫ

Әлдебір жарысқа, жаңа іске ат салысып, өз күшін, мүмкіндігін, жолы болғыштығын мөлшерледі. ~ Бір аптадан кейін мына көрші ауылда үлкен ас болады, ат бәйгесіне нар түйе, қосақ-қосақ жылқы тігіп отыр. Балуан күресіне де, айтысқан ақындарға да, жамбы ататын мергендерге де тіккен жүлделеріне сан жетпейді, шама жетсе бақ сынап көріңдер… Ылғи ығай мен сығай жігіттерге ұқсайсыңдар!.. Б.Тоғ. ~ Әкең әлі есінен танған жоқ. Оқымаса да көп тоқыған. Күш бізге түсіп, қызығын біреу көреді. Мен білсем бұл сенің бақ сынайтын заманың емес, бақыттыларды сағалайтын заман. Осыны ойлап-ойлап бір түйінге келіп отыр әкең. Ғ.Мұс.

БАҚ СЫНАДЫ Read More

БАҚ ҚҰСЫ ҰШТЫ

Бақ-дәулетінен айрылды. ~ Міне енді, Бердібек сұмның қанды қолы арқылы Бату ұрпағынан бақ құсы ұшып еді, Алтын Орда өзгемізге қалған жоқ па? І.Ес. ~ Мынау заман қай заман — қысқан заман, Басымыздан бақ құсы ұшқан заман. І.Ес.

БАҚ ҚҰСЫ ҰШТЫ Read More

БАҚ ҚҰСЫ ҚОНДЫ

Жолы болып, жұлдызы оңынан туды, көксеген мұратына қолы жетті. ~ Бақытын аялай білді. Қолына қонған бақ құсын үркітіп алған жоқ. Т.Жұрт. ~ Маңдайы күнге күймеген, қас аруларды солар құшқан. Бақ құсы тек солардың басына ғана қонған. І.Ес. ~ Бақ құсы қонды жігіттің батыр қолына, Дүрліктірген Хиуаны. А.Өт. ~ Жұмысқа ертелі-кеш сол машинамен қатынайды. Бастарына бақ құсы қайта қонғандай, үй-іші мәре-сәре… Қ.Жұм. ~ Басына бақ құсы оп-оңай қонған адамнан дүниеде топас адам жоқ. І.Ес.

БАҚ ҚҰСЫ ҚОНДЫ Read More

БАҚ ҚОНЫП, ҚЫДЫР ДАРЫДЫ

Бақ-дәулетке кенелді. * Қожа «Бәсе!» деп мақсаттанып, тамақты тағы бір кенеп, болысқа
қарап сөйледі: — Шырағым, ата-бабаңа пірлердің дұғасы тиген, бақ қонып, қыдыр дарыған.
Ғазиздердің дұғасы мақбүл деген. Саған ешбір дұшман зарар келтіре алмайды. Ж.Айм. ~
Бағы асқанның құрығы ұзын келеді. Атағы аспандаған айбарлы кеңшар қожасы сақтықты
ұмытпаған. Босаң келсе оған бақ қонып, қыдыр дари ма? Ө.Кәр. ~ Сауыт-сайманмен
құрсанған батыр қылышымен түртіп: «Қапа болма. Мен қазақтың Жанкешті деген атақты
батырымын. Осы қорымда жатырмын, тоғызыншы ұрпағым Жалықбасқа айта бар, бақ
қонып қыдыр дарысын. Басыма күмбез тұрғызыңдар». Ө.Кәр.

БАҚ ҚОНЫП, ҚЫДЫР ДАРЫДЫ Read More

БАҚ ҚОНДЫ

Жолы ашылды, құт дарыды. ~ Жамбыға оғы тисе бақ қонады, Тимесе көңілге дерт, дақ болады.С.Тұр. ~ Сол бақ қонып, құт дарыған әулеттің қазіргі тізгінұстары Маманұлы Тұрысбек бастаған көш-керуен осыдан бір апта бұрын жолға шығып еді. Ә.Сал.

БАҚ ҚОНДЫ Read More

БАҚ КҮНДЕСТІК

Көре алмаушылық, бәсекелестік, бақастық. ~ «Оңбағанның саяғы түзде жүріп тебіседі» деп ор қазуда, майданда жүрсе де, жігіттердің ата намысы, бақ күндестігі арылмай, арасынан бүлік шықты. Бір жағы Қартқожаны түсіреміз деп, бір жағы түсірмейміз деп қиян-кескі болды. Ж.Айм. ~ Бұлардың бергі өкпесі Әбілқайырдың қазақ пен өзбек арасындағы саясаты болғанмен, хан ойынша түпкі армандары бақ күндестік. І.Ес

БАҚ КҮНДЕСТІК Read More

БАҚ КҮНДЕС

Біреудің бақытын көре алмай, күндейтін, тайталасатын адам. ~ Нәреш–ау, сенiмен қидаласып жатқан бақ күндес адам емеспiн ғой. Солай ма? – Әрине, үргiн–сүргiн есептерiмiз жоқ. Мен бала бола алсам, сен ана болуға жарайтын жансың. Р.Рай. ~ Қашаннан бақ күндес байдың жол соқтыға ұшырағанда айтып тұрған табасы Сатанға недәуір батты. І.Жан. ~ Бәкей! Ойбай, тағы Бәкей! – деп, жылқыға тиген ұры Қадырдың бәйгеде бақ күндесі Бәке екенін тани кетті. Ж.Айм. ~ Ежелден бері бақ күндес боп келе жатқан екі империя өкілдігі бірінің- бірі төбесін көріп отырмаса сағынып қалатындай, бұлайша иық тіресіп, қатар жайғасуы тіпті де тегін емес. Ж.Айм. ~ Ол мақсат — бүкіл әлемге, қала берді өздерімен бақ күндес жауларына, он мың адам қаза тапқан қанды қырғынмен сес көрсету болатын. І.Ес.

БАҚ КҮНДЕС Read More