БІР БАУЫР ЖЕР

Бой жазарлықтай қашықтық. ~ Оннан астам атты казак алыстағы сары белге шауып шықты. Оқ жететін жерге жақындамады. Бір бауыр жерге дейін поезбен қапталдасып отырды да, бұлар зеңбіректен атқылай бастаған соң кейіндеп қала берді. Ә.Нұрп. ~ Шықыманның басынан Нұрлыбай тауы көрініп тұр. Аржағында бір бауыр жерде Тұрсынбике … Қылыштың өлетін жері әлгі екі тұздың басы көрінеді… З.Шүк. ~ Төбе басының жері қатты, қызғылт тастақ екен. Қандай қарулы жігіт білек сыбанып түссе де, бір бауыр жерге дейін арсы–күрсісі шығып қимылдағасын қажыры қайтып қала берді. Құлаштап сілтеген кетпен қиыршық тасқа тиіп, жүзі шақылдап тайып түсіп жатты. Ә.Нұрп. ~ Тәуір қатты ашумен шыққан беті, бір бауыр жер тасырлатып барып, ат басын тежеді. Айдалада қаңтарылып тұр. Ауыл Қызылдың құмында… З.Шүк.

БІР БАУЫР ЖЕР Read More

БІР БАТПАН ЗІЛ

Бүкіл бойын кернеген ашу, ыза. ~ Сол жолы қаладан көңілі жүдеп қайтты. Сонан бастап бойы бұйығы тартып, бір батпан зіл еңсесін көтертпей бойын баса берді. Жан адамның жүзін көргісі келмеді. Ә.Нұрп. ~ Мама, біртүрлі көңілім сергімей қойды, тұла бойымды бір батпан зіл басады да жүреді. Мен енді ешқашан жұмыс істей алмайтын шығармын. Г. Ибс.

БІР БАТПАН ЗІЛ Read More

БІР БАТПАН

Елеулі, көп, жетерлік, қап-қалың, ап-ауыр. ~ Мен бүгін алғаш рет, Ромеоның кәрі, бетін әжім айғыздаған, бояуы бір батпан екенін, ал бақтағы ай сәулесінің көзбояушылық, бақтың өзі бақ емес көзге алдамшы дүние екенін байқадым. О.Уай.

БІР БАТПАН Read More

БІР БАСЫНА ҮЙІП БЕРДІ

Молшылыққа кенелді. ~ Иә, ақылды екен. Құдайтағала көңілі түссе көлдей-ау, бар жақсылықты бір басына үйіп берген. Сымбат, көрік қандай. Тіпті бар ғой, тым құрмаса ана жұп-жұмыр аппақ білегін бізге бермеген,— деп Уәзипа көк тамыры білеуленген көсеудей білегін кең жеңінен шығарып, қорашсына қарады. С.Жүн.

БІР БАСЫНА ҮЙІП БЕРДІ Read More

БІР БАСЫНА ЖЕТЕРЛІК

Мөлшері едәуір, бір адамға жетерлік. * Көп түкірсе, көл деген. Бір басына жетерлік берекені Секен, міне, осылай жасайтын тәрізді. Бірді екі, екіні үш ете біледі. Б.Соқ. * Сахидың да ақалалығы бір басына жетерлік еді ғой, сол бетінде Санжар қарияның үйіне лап қойсын. А. Сей. * Қадыр-қасиеті бір басына жетерлік жігіт ретінде сұлудың жүрегін жауласам деген сәулелі үміті жалп етіп өшкенде, көкірегі удай ашыды. Т.Сәу. * Киноларда ешкімнің де төрт құбыласы тең болмайтыны секілді қыздың мұңы бір басына жетерлік екен. Дж.Сэл. ~ Бұның малайдан айырмашылығы — малайларды бір шыбықпен өзі айдайтын, содан түскен пайдасы — кертіп жесең таусылмайтын бір басына жетерлік бақ-дәулеті бар-тын. Қ.Ысқ.

БІР БАСЫНА ЖЕТЕРЛІК Read More

БІР БАСЫН ЕКЕУ ҚЫЛДЫ

Үйленді, үй болды. * Шешесі қандай болса қызы да сондай, «шешесін көріп қызын ал» дейді». Топырақ жамылғанына он жылдан асқан анасы өмірі отбасы туралы сөз қозғап, «бір басыңды екеу қыл» деп айтпапты. Қ.Түм.

БІР БАСЫН ЕКЕУ ҚЫЛДЫ Read More

БІР БАСЫ ЕКЕУ БОЛДЫ

Үйленіп, отау құрды. ~ Жанашыр ағайын дос жарандары бар екеніне көзім жетті. Қолына құс қондырып, бір басы екеу болса, бөлемді елге көшіріп әкелемін аға. Сәтін салса, алла дегенге жеткізсе ол күнде алыс емес,- деп сүйкімді жымиып маған қарады. АҚ «Тағдыр».

БІР БАСЫ ЕКЕУ БОЛДЫ Read More

БІР БАСЫ

Қарақан басы, жалғыз өзі. ~ Жоғарғылар азады, төменгілер сатылады. Азғандар өз күшігін өзі талайды. Сатылғандар ру, ұлысын, ұлтын, жұртын, арұятын бір басының бақыр тиынға алғысыз бес күндік жарығы үшін құрбандыққа шалады. Ғ.Біл. ~ Иен жағаға бакеншик боп орналасқанда шал әуелде көңілі бір тоға орнына түскендей еді; шырық бұзар көлденең ешкім жоқ, ертенді-кеш өзен бойындағы бакендерді бір қарап шыққаннан басқа жан қиналар шаруа болса ше, күйттегені бір басы, күткені бір құдайдың ажалы. Қ.Ысқ.

БІР БАСЫ Read More

БІР БАСҚА

Өзге, бөлек. ~ Сен, бауырым, мәселені олай аударма, маман болу бір басқа, адам болу бір басқа! – деді Айбар сәл жуасып. – Бәсекеге адам капиталы кешенді түрде түседі. Ж.Аяз. ~ Әкемнің қайғысы бір басқа, бәрінен шешемнің мына зары жаныма батып кетті. Қашан көрсең қабағы ашылмай, аһлап – үһлеп, бүгіліп келіп отырғаны. Ж.Сәм.

БІР БАСҚА Read More